

ସତ୍ୟଶିଖା (ଗଞ୍ଜାମ) ୧୦/୧୧/୨୦୨୦ : ଗଞ୍ଜାମ ଜିଲ୍ଲାର ବିଭିନ୍ନ ସ୍ଥାନରେ ଅବକାରୀ ବିଭାଗର ଚଢାଉ । ଏହା ଚଢାଉରେ ବିପୁଳ ପରିମାଣ ଦେଶୀ ମଦ ଓ ମହୁଲି ଜବତ ହୋଇଛି । ଘଟଣାରେ ୧୦ଜଣଙ୍କୁ ଗିରଫ ମଧ୍ୟ କରିଛି ପୋଲିସ । ସମସ୍ତଙ୍କୁ ଆଜି କୋର୍ଟ ଚାଲାଣ କରାଯାଇଛି ।
ଖବର ଅନୁଯାୟୀ, ଚୋରା ମଦ ଓ ମହୁଲି ମଦର କାରବାର ନେଇ ଅବକାରୀ ବିଭାଗ ନିକଟ ଖବର ରହିଥିଲା । ଏହାପରେ ସୁମନ୍ତପାଲ୍ଲୀ, ପାକାଳପାଲ୍ଲୀ ଓ ଢେଙ୍ଗାପାଲ୍ଲୀ ଅଞ୍ଚଳରେ ଅବକାରୀ ବିଭାଗ ରେଡ୍ କରିଥିଲା । ଏହି ରେଡ୍ରେ ପାଖାପାଖି ୪୦୦ଲିଟର ଦେଶୀ ମଦ ଜବତ କରିବା ସହିତ ୪ହଜାର ଲିଟର ମହୁଲି ନଷ୍ଟ କରାଯାଇଛି । ଏହାସହିତ ମଦରନ୍ଧା ସାମଗ୍ରୀ ମଧ୍ୟ ଜବତ ହୋଇଛି । ଘଟଣାରେ ୧୦ଜଣଙ୍କୁ ଗିରଫ କରି କୋର୍ଟ ଚାଲାଣ କରାଯାଇଛି ।