ଓଡ଼ିଶାରେ ୧୪ରେ ପାଳନ ହେବ ‘ଇଦ୍‌’ ପର୍ବ

ସତ୍ୟଶିଖା(ଭୁବନେଶ୍ୱର) ୧୩ .୦୫.୨୦୨୧: କରୋନା ମହାମାରୀ ସଂକ୍ରମଣ ବୃଦ୍ଧି ପାଉଥିବାବେଳେ ଓଡ଼ିଶାରେ ଆସନ୍ତା ୧୪ତାରିଖରେ ‘ଇଦ୍ ପର୍ବ’ ପାଳନ ହେବ। ଅଞ୍ଜୁମାନ ଇସଲାମିଆ ଏହେଲେ ସୁନ୍ନତଅଲ ଜମାତ୍ ଚାନ୍ଦ କମିଟି ପକ୍ଷରୁ ଏହି ଘୋଷଣା କରାଯାଇଛି।

କମିଟିର ସଭାପତି ମହମ୍ମଦ ଅବଦୁଲ୍ଲ ଆହେବ ଏ ସମ୍ପର୍କରେ କହିଛନ୍ତି ଯେ, କୋଭିଡ୍ କଟକଣା ମଧ୍ୟରେ ମସଜିଦ୍‌ରେ ନମାଜ ପାଠ ହେବ। ତେବେ ମସଜିଦରେ ସମୂହ ନମାଜ ପାଠ କରାଯିବ ନାହିଁ।

ଇମାମଙ୍କ ସହ ସର୍ବାଧିକ ୫ଜଣ ନମାଜ ପାଠ କରିବେ। ମୁସଲିମ୍ ଭାଇମାନଙ୍କୁ ସରକାରଙ୍କ କୋଭିଡ୍ ଗାଇଡଲାଇନ୍ ମାଧ୍ୟମରେ ନମାଜ ପାଠ , ସାମାଜିକ ଦୂରତ୍ୱ ପାଳନ କରିବାକୁ ସେ ପରାମର୍ଶ ଦେଇଛନ୍ତି।