ସତ୍ୟଶିଖା(ଭୁବନେଶ୍ୱର ) ୨୧.୧୨.୨୦୨୧: ଓଡିଶା ଛୁଇଁଲା କରୋନାର ନୂତନ ଭାରିଆଣ୍ଟ ଓମିକ୍ରନ। ରାଜ୍ୟରେ ୨ ଜଣ ଓମିକ୍ରନ ଆକ୍ରାନ୍ତ ଚିହ୍ନଟ ହୋଇଥିବା ନେଇ ଆଇଏଲଏସ ପକ୍ଷରୁ ଆଜି ସୂଚନା ମିଳିଛି। ଉକ୍ତ ୨ ଜଣଙ୍କ ଠାରେ ଓମିକ୍ରନ ଭୂତାଣୁ ଚିହ୍ନଟ କରାଯାଇଛି। କିଛି ଦିନ ତଳେ ଜଣେ ନାଇଜେରିଆ ଓ ଅନ୍ୟ ଜଣେ କାତାରରୁ ଓଡିଶା ଆସିଥିଲେ। କୋଭିଡ଼ ପଜିଟିଭ ହେବା ପରେ ଉଭୟଙ୍କ ନମୁନା ଜିନୋ ସ୍ୱିକେନସିଂ ପାଇଁ ପଠାଯାଇଥିଲା। ରିପୋର୍ଟ ଆସିବା ପରେ ସେମାନେ ଓମିକ୍ରନ ସଂକ୍ରମିତ ହୋଇଥିବା ନେଇ ସ୍ପଷ୍ଟ ହୋଇଛି।
