ସତ୍ୟଶିଖା ( ନୂଆଦିଲ୍ଲୀ/ ଭୁବନେଶ୍ୱର ) ୨୦ .୦୮.୨୦୨୦ : ଆଜି ଓଡ଼ିଶାକୁ ସ୍ୱଚ୍ଛ ସର୍ଭେରେ ସାରା ଦେଶରେ ଏକ ନମ୍ବର ସ୍ଥାନ ମିଳିଛି । ଓଡ଼ିଶାର ପ୍ରଦର୍ଶନ ସବୁଠାରୁ ଭଲ ରହିଥିବାରୁ ପ୍ରଧାନମନ୍ତ୍ରୀ ଓ କେନ୍ଦ୍ର ନଗର ଉନ୍ନୟନ ମନ୍ତ୍ରୀ ଏହି ପୁରସ୍କାର fastest moving state ଭାବେ ଓଡ଼ିଶାକୁ ଦେଇଛନ୍ତି । ସେହିପରି ବ୍ରହ୍ମପୁରକୁ best medium city in innovation and best practices ରେ ଏକ ନମ୍ବର ସହର ଭାବେ ପୁରସ୍କୃତ କରଯାଇଛି । ଏଥିପାଇଁ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଓ ବିଭାଗର ସମସ୍ତ ଅଧିକାରୀଙ୍କୁ ଧନ୍ୟବାଦ ଜଣାଇଛନ୍ତି ନଗର ଉନ୍ନୟନ ମନ୍ତ୍ରୀ ପ୍ରତାପ ଜେନା । ସ୍ୱଚ୍ଛ ସର୍ବେକ୍ଷଣ ଜୋନାଲ ରାଙ୍କର ଇଷ୍ଟ ଜୋନ୍ରେ ପାରାଦୀପ 8 ନଂ ଏବଂ ଢେଙ୍କାନଳ 14 ନଂରେ ରହିଛି । ଦେଶରେ ଟପ୍ 25 ULB (ଅରବାନ ଲୋକାଲ ବଡି)ଯାହାର ଲୋକ ସଂଖ୍ୟା ଏକ ଲକ୍ଷରୁ ଅଧିକ ସେଥିରେ ଓଡିଶାର କୌଣସି ସହର ସ୍ଥାନ ପାଇ ନାହିଁ । ସେହିପରି 100 ରୁ ଅଧିକ ଅରବାନ ଲୋକାଲ ବଡି ଥିବା ରାଜ୍ୟ କାଟାଗୋରୀରେ ସ୍ୱଚ୍ଛତା ସର୍ଭେରେ ଓଡିଶା 8 ନମ୍ବରରେ ଅଛି ।
କେନ୍ଦ୍ର ସହର ବିକାଶ ମନ୍ତ୍ରଣାଳୟ ପକ୍ଷରୁ ସ୍ୱଚ୍ଛତା ସହର ସର୍ଭେ ରିପୋର୍ଟ ପ୍ରକାଶ ପାଇଛି। ଲଗାତର ଚତୁର୍ଥ ବର୍ଷ ପାଇଁ ଇନ୍ଦୋର ଦେଶର ସବୁଠାରୁ ସ୍ୱଚ୍ଛ ଓ ପରିଷ୍କାର ସହର ପାଲଟିଛି । ଦ୍ୱିତୀୟ ସ୍ଥାନରେ ଗୁଜୁରାଟ ର ସୁରଟ ଏବଂ ତୃତୀୟ ସ୍ଥାନରେ ନଭି ମୁମ୍ବାଇ ରହିଛି । କେନ୍ଦ୍ର ନଗର ଉନ୍ନୟନ ମନ୍ତ୍ରୀ ହାର୍ଦ୍ଦିକ ସିଂ ପୁରୀ ଇନ୍ଦୋରବାସୀଙ୍କୁ ଧନ୍ୟବାଦ ଜଣାଇଛନ୍ତି ।
ଇନ୍ଦୋର ଏବଂ ଏହାର ଲୋକମାନେ ସ୍ୱଚ୍ଛତା ପ୍ରତି ଉତ୍ସର୍ଗୀକୃତ ପ୍ରଦର୍ଶନ କରିଥିବା ସେ କହିଛନ୍ତି । ଏହି କାର୍ଯ୍ୟ ପାଇଁ ସେ ସହରର ଲୋକ, ରାଜନୈତିକ ନେତୃତ୍ୱ ଏବଂ ମ୍ୟୁନିସିପାଲିଟି କର୍ପୋରେସନ୍ ସିଏମ୍ ଶିବରାଜ ସିଂ ଚୌହାନ ଙ୍କୁ ଅଭିନନ୍ଦନ ଜଣାଇଛନ୍ତି । ଗୁଜୁରାଟର ଶିଳ୍ପ ସହର ସୁରଟ ହେଉଛି ଭାରତର ଦ୍ୱିତୀୟ ସ୍ୱଚ୍ଛ ସହର ଏବଂ ନଭି ମୁମ୍ବାଇ ହେଉଛି ଭାରତର ତୃତୀୟ ସ୍ୱଚ୍ଛ ସହର । ହାର୍ଦ୍ଦିକ ପୁରୀ ସୁରଟ ପାଇଁ ସିଏମ ବିଜୟ ରୁପାନିଙ୍କୁ ପ୍ରଶଂସା କରିଥିଲେ ।
