ଦୀପ ଜାଳିବା ବେଳେ ମାନନ୍ତୁ ଏହି ନିୟମ, ନଚେତ ମାଡ଼ି ଆସିବ ଦରିଦ୍ରତା

ସତ୍ୟଶିଖା( ଭୁବନେଶ୍ୱର )୦୭.୧୦.୨୦୨୨:  ଘରେ ସୁଖଶାନ୍ତି ବଜାୟ ରଖିବା ପାଇଁ ସାଧାରଣତଃ ସମସ୍ତେ ପୂଜାପାଠ କରିଥାନ୍ତି। ପୂଜାପାଠ ବେଳେ ଦୀପର ରହିଛି ଏକ ସ୍ୱତନ୍ତ୍ର ସ୍ଥାନ । ଦୀପକୁ ପଜିଟିଭ ଏନର୍ଜୀର ପ୍ରତୀକ ଭାବରେ ବିବେଚନା କରାଯାଏ । ଦୀପ ଜାଳିବା ଦ୍ୱାରା ଘରର ନକାରାତ୍ମକ ଶକ୍ତି ଶେଷ ହୋଇଯାଏ ବୋଲି ବିଶ୍ୱାସ ରହିଛି। କିନ୍ତୁ ଦୀପ ଜାଳିବା ବେଳେ କିଛି ନିୟମ ମାନିବା ଉଚିତ, ନଚେତ ଭଗବାନଙ୍କ କୃପା ଦୃଷ୍ଟି ଆପଣଙ୍କ ଉପରେ ପଡ଼ି ନ ଥାଏ।

ସର୍ବଦା ଦୀପକୁ ଭଗବାନଙ୍କ ମୂର୍ତ୍ତି କିମ୍ବା  ଚିତ୍ର ସାମ୍ନାରେ ରଖନ୍ତୁ। ଏହାବ୍ୟତୀତ ଦୀପକୁ  ଅନ୍ୟ କୌଣସି ସ୍ଥାନରେ ରଖନ୍ତୁ ନାହିଁ | ଆପଣ ପୂଜା କରିବା ବେଳେ ସର୍ବଦା ତେଲ ଦୀପକୁ ଆପଣଙ୍କ ଡାହଣ ପାର୍ଶ୍ୱରେ ଓ ଘିଅ ଦୀପକୁ ସର୍ବଦା ବାମ ପାର୍ଶ୍ୱରେ ହିଁ ଲଗାଇ ଭଗବାନଙ୍କ ପୂଜା କରନ୍ତୁ।

ଦୀପ ଜାଳିବା ପୂର୍ବରୁ ଏହାର ସଳିତାକୁ ଦେଖିଦେବା ଅତ୍ୟନ୍ତ ଜରୁରୀ | ଯଦି ଆପଣ ସଠିକ୍ ସଳିତା ବ୍ୟବହାର କରନ୍ତି, ତେବେ ଦୀପ ଜାଳିବାର ଶୁଭ ଫଳ ଆପଣଙ୍କୁ ପ୍ରାପ୍ତି ହେବ, ନଚେତ ଏହାର ନକରାତ୍ମକ ପ୍ରଭାବ ଆପଣଙ୍କ ପରିବାର ଉପରେ ପଡ଼ିପାରେ । ସର୍ବଦା ମନେରଖନ୍ତୁ ଯେ ଯଦି ଆପଣ ଏକ ତେଲ ଦୀପ ଜାଳୁଛନ୍ତି, ତେବେ ସଳିତା ଲାଲ୍ ରଙ୍ଗର ହେବା ଉଚିତ୍। ଯଦି ଆପଣ ଏକ ଘିଅ ଦୀପ ଜାଳୁଛନ୍ତି, ତେବେ ସୂତାରେ ତିଆରି ହୋଇଥିବା ଦୀପ ବ୍ୟବହାର କରନ୍ତୁ।