ନୂଆଦିଲ୍ଲୀ: ଗୋଟିଏ ପଟେ କରୋନା ପାଇଁ ଲଢ଼େଇ ଚାଲିଥିବା ବେଳେ ଆନ୍ଧ୍ର ପ୍ରଦେଶରେ ପ୍ରେମ ପାଇଁ ଜଣେ ଯୁବତୀ ଆତ୍ମହତ୍ୟା କରିଛନ୍ତି। ଯୁବତୀଙ୍କ ଘର ଓଡ଼ିଶାରେ ଓ ସେ ବୁଧବାର ଏଭଳି ଆତ୍ମହତ୍ୟା କରିଛନ୍ତି।
୨୪ ବର୍ଷୀୟ ଏମ ପଦ୍ମା ଆନ୍ଧ୍ର ପ୍ରଦେଶର ଭାଡଲାମୁରୁ ରାସ୍ତାରେ ଥିବା ଏକ ଚୁଙ୍ଗୁଡ଼ି ଫ୍ୟାକ୍ଟ୍ରିରେ କାମ କରୁଥିଲେ। ଏହି ସମୟରେ ପଦ୍ମା ତାଙ୍କ ସହ କାମ କରୁଥିବା ଜଣେ ଯୁବକଙ୍କୁ ଭଲ ପାଇ ବସିଥିଲେ।
ଆହୁରି ପଢ଼ନ୍ତୁ
ଯୁବକ ଜଣ ମଧ୍ୟ ତାଙ୍କୁ ଭଲ ପାଉଥିଲେ। ହେଲେ କିଛି ଦିନ ହେବ ଯୁବକ ଜଣଙ୍କ ପୂର୍ବଭଳି ପଦ୍ମାଙ୍କୁ ଭଲ ପାଇବା ବନ୍ଦ କରିଦେଇଥିଲେ। ଏଥିରେ ହତାଶ ହୋଇ ପଦ୍ମା ଚୁଙ୍ଗୁଡ଼ି ପ୍ୟାକ୍ଟ୍ରିରେ ଲାଗିଥିବା ଫ୍ୟାନରେ ଦଉଡ଼ି ଦେଇ ଆତ୍ମହତ୍ୟା କରିଛନ୍ତି।
ପଦ୍ମାଙ୍କ ମୃତ୍ୟୁ ଖବର ଶୁଣି ତାଙ୍କ ସହ କାମ କରୁଥିବା ଓଡ଼ିଶାର ଆଉ ୩ ଯୁବତୀ ସୋନାଲି, ମନୀଷା ଓ ଗାଙ୍ଗି ଚଟଣାରେ ହିଁ ଅଚେତ ହୋଇଯାଇଥିଲେ। ସ୍ଥାନୀୟ ଲୋକମାନେ ସମସ୍ତଙ୍କୁ ହସ୍ପିଟାଲରେ ଭର୍ତ୍ତି କରିଥିଲେ। ପୁଲିସ୍ ଏବେ ଘଟଣାର ତଦନ୍ତ ଆରମ୍ଭ କରିଛି।
