ସତ୍ୟଶିଖା( ନୂଆଦିଲ୍ଲୀ/ ଭୁବନେଶ୍ୱର) ୦୨ .୦୭.୨୦୨୧: ଭାରତର ଅଗ୍ରଣୀ ଡିଜିଟାଲ୍ ଆର୍ଥିକ ସେବା ପ୍ରଦାନକାରୀ ସଂସ୍ଥା ପେଟିଏମ୍ ପକ୍ଷରୁ ଏହାର ଏଲପିଜି ସିଲିଣ୍ଡର ବୁକିଂ ଅନୁଭୂତିକୁ ନୂଆ ସୁବିଧା ସହ ଆକର୍ଷଣୀୟ ଅଫର ଓ କ୍ୟାସବ୍ୟାକ୍ ଜରିଆରେ ପୁନର୍ମାଜିତ କରାଯାଇଛି। ଆଇଭିଆରଏସ, ମିସଡ୍ କଲ୍ କିମ୍ବା ହ୍ୱାଟସ୍ଆପ୍ ଜରିଆରେ ହୋଇଥିବା ବୁକିଂ ପାଇଁ ବ୍ୟବହାରକାରୀମାନେ ଏବେ ପେଟିଏମ୍ ଜରିଆରେ ପେମେଂଟ୍ କରିପାରିବେ। ଅନ୍ୟ ଯେକୌଣସି ପ୍ରକାର ପ୍ଲାଟଫର୍ମ କିମ୍ବା ଚ୍ୟାନେଲ୍ ମାଧ୍ୟମରେ ସିଲିଣ୍ଡର ବୁକିଂ କରିବାର କିଛି ଘଂଟା ପରେ ଏହି ସୁବିଧାକୁ ବ୍ୟବହାର କରି ପେଟିଏମ୍ ଜରିଆରେ ପେମେଂଟ୍ କରିହେବ।
ପେଟିଏମ୍ ଆପ୍ ଜରିଆରେ ପ୍ରଥମ ଥର ଏଲ୍ପିଜି ସିଲିଣ୍ଡର ବୁକିଂ କରୁଥିବା ଗ୍ରାହକମାନଙ୍କ ଲାଗି କଂପାନି ତରଫରୁ ୩ ସିଲିଣ୍ଡର ବୁକିଂ ଉପରେ ୯୦୦ ଟଙ୍କା ପର୍ଯ୍ୟନ୍ତର ନିଶ୍ଚିତ କ୍ୟାସବ୍ୟାକ୍ ବିଷୟରେ ଘୋଷଣା କରାଯାଇଛି । ପେଟିଏମ୍ରେ ପ୍ରତି ସିଲିଣ୍ଡର ବୁକିଂ ଉପରେ ବ୍ୟବହାରକାରୀମାନେ ନିଶ୍ଚିତ ପେଟିଏମ୍ ଫାଷ୍ଟ ପଏଂଟ୍ ହାସଲ କରିପାରିବେ ଯାହାକୁ ସେମାନେ ୱାଲେଟ୍ ବାଲାନ୍ସ ପାଇଁ କିମ୍ବା ଲୋକପ୍ରିୟ ବ୍ରାଣ୍ଡ୍ର ରିହାତି ଭାଉଚର୍ ଭାବେ ରିଡିମ୍ କରିପାରିବେ। ସମସ୍ତ ୩ ପ୍ରମୁଖ ଏଲ୍ପିଜି କଂପାନି-ଇଣ୍ଡେନ, ଏଚପି ଗ୍ୟାସ ଓ ଭାରତ ଗ୍ୟାସର ସିଲିଣ୍ଡର ବୁକିଂ ଉପରେ ଏହି ଅଫର ଲାଗୁ ହେବ। ପେଟିଏମ୍ ପୋଷ୍ଟପେଡ୍ରେ ପଞ୍ଜୀକୃତ ହୋଇ ଗ୍ରାହକମାନେ ସିଲିଣ୍ଡର ବୁକିଂ ପାଇଁ ପେ’ ଲାଟର ସୁବିଧା ମଧ୍ୟ ପାଇପାରିବେ। ଏହାଛଡା ପେଟିଏମ୍ ବ୍ୟବହାରକାରୀମାନେ ସିଲିଣ୍ଡର ବୁକିଂ କରିବା ପୂର୍ବରୁ ମୂଲ୍ୟ ଜାଣିପାରିବେ ଏବଂ ସେମାନଙ୍କ ଇଣ୍ଡିଆନ ଅଏଲ୍ ଏକ୍ସଟ୍ରାରିୱାର୍ଡ ଲୟାଲ୍ଟି ପଏଂଟ୍କୁ ରିଡିମ୍ କରିପାରିବେ।
ପେଟିଏମ୍ ଆପ୍ରେ ଏକ ଅଭିନବ ବ୍ୟବସ୍ଥା ଏବେ ଉପଲବ୍ଧ ହୋଇଛି ଯାହା ଜରିଆରେ ବ୍ୟବହାରକାରୀମାନେ ସେମାନଙ୍କ ସିଲିଣ୍ଡର ଡେଲିଭରିକୁ ଟ୍ରାକ୍ କରିପାରିବେ ଏବଂ ରିଫିଲ୍ ଲାଗି ସ୍ୱୟଂକ୍ରିୟ ଇଂଟେଲିଜେଂଟ୍ ରିମାଇଣ୍ଡର ପାଇ କରିପାରିବେ। ପେଟିଏମ୍ର ନିରବଚ୍ଛିନ୍ନ ଓ ସହଜ ବୁକିଂ ପ୍ରକ୍ରିୟା ଏଲପିଜି ବୁକିଂକୁ ଆହୁରି ସହଜ କରିଛି। ବ୍ୟବହାରକାରୀମାନଙ୍କୁ କେବଳ ‘ବୁକ୍ ଗ୍ୟାସ ସିଲିଣ୍ଡର’ ଟ୍ୟାବ୍କୁ ଯାଇ, ସେଠାରେ ଗ୍ୟାସ୍ କଂପାନି ଚୟନ କରି, ମୋବାଇଲ ନମ୍ବର/ଏଲପିଜି ଆଇଡି/ କଂଜ୍ୟୁମର ନମ୍ବର ଦାଖଲ କରିବାକୁ ହେବ ଏବଂ ଏହା ପରେ ପେମେଂଟ୍ କରିବାକୁ ପଡ଼ିବ। ନିକଟତମ ଗ୍ୟାସ ଏଜେନ୍ସି ତରଫରୁ ପଞ୍ଜୀକୃତ ଠିକଣାରେ ସିଲିଣ୍ଡର ଡେଲିଭରି ହୋଇଯିବ। ପେଟିଏମ୍ର ପ୍ରବକ୍ତା କହିଛନ୍ତି “ୟୁଟିଲିଟି ବର୍ଗରେ ଏଲ୍ପିଜି ବୁକିଂ ଆମମାନଙ୍କ ପାଇଁ ଏକ ପ୍ରମୁଖ କ୍ଷେତ୍ର। ଏହି କ୍ଷେତ୍ରକୁ ନବସୃଜନ ଆଣିବା ଲାଗି ଆମେ ସର୍ବଦା ଉଦ୍ୟମ କରୁଛୁ ଏବଂ ନୂଆ ବୁକିଂ ଫ୍ଲୋ ହେହଉଛି ଏହି ଦିଗରେ ଆଉ ଏକ ପଦକ୍ଷେପ । ଆମେ ଆମ ବ୍ୟବହାରକାରୀମାନଙ୍କ ଆବଶ୍ୟକତାକୁ ବୁଝୁଛୁ ଓ ଆମର ଉତ୍ପାଦ ଓ ପ୍ରଯୁକ୍ତି ଟିମ୍ ପକ୍ଷରୁ ବ୍ୟାପକ ଅଧ୍ୟୟନ କରିବା ପରେ ଏହି ନୂଆ ବୈଶିଷ୍ଟ୍ୟ ବା ସୁବିଧାକୁ ବିକଶିତ କରାଯାଇଛି।
