୨୦ରେ ମାଲକାନଗିରି ଯିବେ ନବୀନ

ଗମନାଗମନ, ସ୍ୱାସ୍ଥ୍ୟ, ପାନୀୟଜଳ, ଜଳସମ୍ପଦ ବିଭାଗର ବିଭିନ୍ନ କାର୍ୟ୍ୟକ୍ରମରେ ଯୋଗ ଦେବେ ମୁଖ୍ୟମନ୍ତ୍ରୀ । ପଞ୍ଚାୟତି ନିର୍ବାଚନ ନେଇ ବିଧିବଦ୍ଧ ବିଜ୍ଞପ୍ତି ପ୍ରକାଶ ପାଇନଥିବା ବେଳେ ଏନେଇ ପ୍ରସ୍ତୁତି ଜୋରଦାର କରିଛି ବିଜୁ ଜନତା ଦଳ । ତେବେ ଗସ୍ତରୁ ନିର୍ବାଚନ ଲାଗି ଏକପ୍ରକାର ପ୍ରଚାର ଆରମ୍ଭ କରିବ ଦଳ ।
ଅନ୍ୟପଟେ ୧୯ ତାରିଖରୁ ବିଜେପିର ଆଶୀର୍ବାଦ ଯାତ୍ରା ଆରମ୍ଭ ହେଇଯାଇଛି । ଏନେଇ ରାଜ୍ୟରେ ଦୁଇ କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ ଓ ଅଶ୍ୱିନୀ ବୈଷ୍ଣବ ବିଭିନ୍ନ ଜିଲ୍ଲା ଗସ୍ତ କରି ଲୋକଙ୍କ ସହିତ ମିଶିବା ସହ ସଭା ମଧ୍ୟ କରିବେ । ଏହାକୁ କାଉଣ୍ଟର କରିବା ଲାଗି ମୁଖ୍ୟମନ୍ତ୍ରୀ ମାଲକାନଗିରି ଗସ୍ତ କରୁଥିବା କୁହାଯାଉଛି ।