ନନ୍ଦିଘୋଷ ରଥରେ ଲାଗିଲା ନୂଆ ଅଖ

ସତ୍ୟଶିଖା (ପୁରୀ) ୧୧.୦୬.୨୦୨୨: ଆସୁଛି ମହାପ୍ରଭୁ ଶ୍ରୀ ଜଗନ୍ନାଥଙ୍କ ବିଶ୍ୱ ପ୍ରସିଦ୍ଧ ରଥଯାତ୍ରା । ଏଥି ପାଇଁ ରଥଖଳାରେ ତିନି ଠାକୁରଙ୍କ ରଥକାର୍ଯ୍ୟ ଜୋରଦାର କରାଯାଉଛି । ମହାପ୍ରଭୁ ଶ୍ରୀ ଜଗନ୍ନାଥଙ୍କ ନନ୍ଦିଘୋଷ ରଥରେ ନୂଆ ଅଖ ସହ ଦୁଇ ଚକର ସଂଯୋଗ କରାଯାଇଛି ।

ମହାପ୍ରଭୁଙ୍କ ନନ୍ଦିଘୋଷ ରଥର ସାନ ଉଛୁଳି ଚକ ବା ପଛୁଆଣି ଚକର ଅଖଟି ଚଡକି ଯାଇଥିଲା। ଏହା ପରେ ନନ୍ଦିଘୋଷ ରଥ ମୁଖ୍ୟ ମହାରଣା ଦୁଇଟି କ୍ଲାମ୍ପ ଯୋଗେ ଅଖକୁ ବାନ୍ଧି ଥିଲେ। ତଥାପି ଏହା ସୁରକ୍ଷିତ ନୁହେଁ ବୋଲି ବୈଷୟିକ ଟିମ୍‌ ଅନୁଭବ କରିଥିଲା। ଏହାପରେ ନନ୍ଦିଘୋଷ ରଥ ମୁଖ୍ୟ ମହାରଣାଙ୍କୁ ନୂଆ ଅଖ ନିର୍ମାଣ ପାଇଁ ପରାମର୍ଶ ଦିଆଯାଇଥିଲା। ସେମାନେ ନୂଆ ଅଖ ନିର୍ମାଣ କରି ସଂଯୋଗ କରିଥିଲେ।

ନନ୍ଦିଘୋଷ ରଥର ମୁଖ୍ୟ ମହାରଣା ବିଜୟ ମହାପାତ୍ର କହିଛନ୍ତି ଯେ ଯେତେବେଳେ ଯେଉଁ  ନିର୍ଦ୍ଦେଶ ଆସିବ, ଆମେ ତାହା ମାନି ଚଳିବୁ।  ରଥରେ ଅଖ ଚଡ଼କି ଗଲେ, କଣ୍ଟା ବଡ଼ା ଯାଇ  ପ୍ରଭୁଙ୍କ ରଥଯାତ୍ରା ହୁଏ । ନନ୍ଦିଘୋଷ ରଥର ପଛୁଆଣି ଚକର ଅଖରେ ଫାଟ ଦେଖାଗଲା ପରେ ବଳା  ଦିଆଯାଇଥିଲା। ହେଲେ ବୈଷିକ କମିଟି  ଅନିଚ୍ଛା ପ୍ରକାଶ କରିଥିଲେ।  ସେମାନେ କୌଣସି ରିସ୍କ ନେବାକୁ ଚାହିଁଲେନି। ଆମ ତାଙ୍କ କଥା ମାନି ନନ୍ଦିଘୋଷ ରଥରେ ନୂଆ ଅଖ ଲଗାଇ ଦେଲୁ।

Exit mobile version