ସତ୍ୟଶିଖା (ମୁମ୍ୱାଇ) ୪.୦୯.୨୦୨୦ : ବହୁଚର୍ଚ୍ଚିତ ସୁଶାନ୍ତ ସିଂ ରାଜପୁତ ମୃତ୍ୟୁ ମାମଲାରେ ଘଡ଼ିକେ ଘୋଡ଼ା ଛୁଟୁଛି । ଏହି ମାମଲାରେ ଡ୍ରଗ୍ସ ଲିଙ୍କ୍ ସାମ୍ନାକୁ ଆସିବା ପରେ ତଦନ୍ତ ପ୍ରକିୟାକୁ ଜୋରଦାର କରିଛି ନିଶା କାରବାର ନିୟନ୍ତ୍ରଣ ବ୍ୟୁରୋ ବା ଏନସିବି । ଏନସିବି ପକ୍ଷରୁ ସୁଶାନ୍ତଙ୍କ ବାନ୍ଧବୀ ରିଆ ଚକ୍ରବର୍ତ୍ତୀ, ତାଙ୍କ ଭାଇ ସୌଭିକ ଚକ୍ରବର୍ତ୍ତୀ ଓ ସହଯୋଗୀ ସାମୁଏଲ ମିରାଣ୍ଡାଙ୍କ ଘରେ ଚଢଉ କରିଛି ।
ଏନସିବିର ଦୁଇଟି ଟିମ ମୁମ୍ୱାଇର ଜୁହୁ ତାରା ରୋଡ ସ୍ଥିତ ରିଆଙ୍କ ବାସଭବନରେ ଚଢଉ କରିଛି । ସେହିପରି ସହଯୋଗୀ ମିରାଣ୍ଡାଙ୍କ ମୁମ୍ୱାଇ ସ୍ଥିତ ଘରେ ମଧ୍ୟ ଏନସିବି ଚଢଉ କରିଛି । ତଦନ୍ତ ପ୍ରକିୟା ଅନ୍ତଭୁକ୍ତ ଏହି ଚଢଉ କରାଯାଇଥିବା ଏନସିବିର ଜଣେ ଅଧିକାରୀ ସୂଚନା ଦେଇଛନ୍ତି । ସୂଚନା ଅନୁସାରେ, ଏହାପୂର୍ବରୁ , ରିୟା ଓ ତାଙ୍କ ଭାଇ ସୌଭିକ ମଧ୍ୟରେ ଡ୍ରଗ୍ସକୁ ନେଇ ହୋଇଥିବା କଥାବାର୍ତ୍ତା ଗଣମାଧ୍ୟମରେ ପ୍ରସାରିତ ହୋଇଥିଲା। ପୂର୍ବରୁ ଏହି ମାମଲାରେ ଦୁଇଜଣ ଜଣ ନିଶା ବେପାରୀଙ୍କୁ ଗିରଫ କରିଥିଲା ଏନସିବି । ଗିରଫ ନିଶା ବେପାରୀ ଜେରା ବେଳେ ସୌଭିକ ଓ ସାମୁଏଲ ମିରାଣ୍ଡାଙ୍କ ନାମ ନେଇଥିଲେ।
