ସତ୍ୟଶିଖା(ଜଳେଶ୍ୱର ) ୧୬.୦୮ .୨୦୨୧: କରୋନା ଭିତରେ ରାଜ୍ୟରେ ବଢ଼ିଚାଲିଛି ଧଳା ଜହର ବେପାର। ପୋଲିସ୍ର ବାରମ୍ବାର ରେଡ୍ ପରେ ମଧ୍ୟ ସୁଧୁରୁ ନାହାନ୍ତି ବେପାରୀ। ପ୍ରତିଦିନ ଜବତ ହେଉଛି ପୁଳା ପୁଳା ଧଳା ଜହର। ଜଳେଶ୍ୱର ପାଲଟିଛି ଧଳା ଜହରର ହବ୍। ପୂର୍ବରୁ ବହୁଥର ଜଳେଶ୍ୱରରୁ ରେଡ ହୋଇଥିଲେ ମଧ୍ୟ ଆଜି ୨କେଜି ୪୦୨ଗ୍ରାମ୍ ବ୍ରାଉନସୁଗାର ଜବତ ହୋଇଛି। ଜଳେଶ୍ୱର ବଜାରରେ ଡିଲ୍ ବେଳେ ଚଢାଉ କରି ବ୍ରାଉନସୁଗାର ସହ ବେପାରୀଙ୍କୁ କାବୁ କରିଛି ଏସଟିଏଫ୍।
ଜବତ ବ୍ରାଉନସୁଗାରର ଆନୁମାନିକ ମୂଲ୍ୟ ୨କୋଟି ୪୦ଲକ୍ଷ ଟଙ୍କା ହେବ। ଗିରଫ ୩ ବେପାରୀ ହେଲେ ଜଦ୍ଧେଶ୍ୱରପୁରର ମମତାଜ୍ ଖାନ୍, ଜଗତସିଂହପୁରର ଉଦୟନାଥ ରଥ ଓ କଟକର ପ୍ରଦୀପ କୁମାର ଦାସ। ଗତବର୍ଷ ୩୮କେଜି ବ୍ରାଉନସୁଗାର ୮୪ କୁଇଣ୍ଟାଲ ୨୮କେଜି ଗଞ୍ଜେଇ ଜବତ ହୋଇଥିବା ବେଳେ, ଶହେ ଡ୍ରଗ୍ସ ବେପାରୀଙ୍କୁ କାବୁ କରିବାରେ ସଫଳ ହୋଇଛି ଏସଟିଏଫ୍।
