୬ କେଜିରୁ ଅଧିକ ସୁନା ଜବତ

ସତ୍ୟଶିଖା (ଖଲ୍ଲିକୋଟ) ୧୧/୧୧/୨୦୨୦ : ସୁନା ବ୍ୟବସୀୟଙ୍କ ଘରୁ ଲୁଟ୍‌ ଘଟଣା । ମାମଲାରେ ଗଞ୍ଜାମ ପୋଲିସକୁ ମିଳିଛି ବଡ଼ ସଫଳତା । ସୁନା ଲୁଟ୍‌ ଘଟଣାରେ ୧୫ଜଣଙ୍କୁ ଗିରଫ କରିଛି ଗଞ୍ଜାମ ପୋଲିସ । ସେମାନଙ୍କ ନିକଟରୁ ୬ କେଜି ୫୦୧ ଗ୍ରାମ ସୁନା ଜବତ ହୋଇଛି । ଖବର ଅନୁଯାୟୀ, ଅକ୍ଟୋବର ୧୨ ତାରିଖ ଦିନ ବିଳମ୍ବିତ ରାତିରେ ସୁନା ଦୋକାନୀ ସୁରେନ୍ଦ୍ର ନାଥ ନାୟକଙ୍କ ଘରୁ ବିପୁଳ ପରିମାଣ ସୁନା ଲୁଟ୍‌ ହୋଇଥିଲା ।ଏନେଇ ସୁନା ବ୍ୟବସାୟୀ ପୋଲିସ ନିକଟରେ ଅଭିଯୋଗ କରିଥିଲେ । ପୋଲିସ ଘଟଣାକୁ ଗୁରୁତ୍ୱ ସହ ନେଇ କାର୍ଯ୍ୟାନୁଷ୍ଠାନ ନେଇଛି । ଲୁଟ୍‌ ଘଟଣାରେ ସଂପୃକ୍ତି ଥିବା  ନେଇ ୧୫ଜଣଙ୍କୁ ଗିରଫ କରିଛି ପୋଲିସ । ଗିରଫ ହୋଇଥିବା ଅଭିଯୁକ୍ତଙ୍କ ନିକଟରୁ ୬ କେଜି ୫୦୧ ଗ୍ରାମ ସୁନା ଜବତ ହୋଇଛି । ଏହାସହ ସେମାନଙ୍କ ନିକଟରୁ ନଗଦ ୪  ଲକ୍ଷ ୪୪ ହଜାର ୫୦୦ ଟଙ୍କା  ଜବତ କରାଯାଇଛି ।