ବଡ଼ ଘୋଷଣା କରିପାରନ୍ତି ମୋଦି, ଏଣିକି ଚିକିତ୍ସା କରିବାକୁ ଯିବା ବେଳେ ଆପଣଙ୍କୁ ସାଙ୍ଗରେ ଧରି ଯିବାକୁ ପଡ଼ିବନି ପୁରୁଣା ରିପୋର୍ଟ l
ସତ୍ୟଶିଖା ୧୪.୦୮.୨୦୨୦ : ଏଣିକି ଚିକିତ୍ସା କରିବାକୁ ଯିବା ବେଳେ ଆପଣଙ୍କୁ ପୁରୁଣା ରିପୋର୍ଟ ସାଙ୍ଗରେ ଧରି ଯିବାକୁ ପଡ଼ିବ ନାହିଁ। ଏନେଇ ଏକ ବଡ଼ ଘୋଷଣା କରି ପାରନ୍ତି ପ୍ରଧାନମନ୍ତ୍ରୀ ନରେନ୍ଦ୍ର ମୋଦି । ଦେଶରେ ‘ୱାନ ନେଶନ ୱାନ ରାଶନ କାର୍ଡ’ ଲାଗୁ କରିବା ପରେ ଏବେ ପ୍ରଧାନମନ୍ତ୍ରୀ ‘ୱାନ ନେଶନ ୱାନ ହେଲଥ କାର୍ଡ’ ଲାଗୁ କରିପାରନ୍ତି । ସ୍ଵାଧିନତା ଦିବସ ଅବସରରେ ପ୍ରଧାନମନ୍ତ୍ରୀ ଏନେଇ ଘୋଷଣା କରିପାରନ୍ତି ବୋଲି ଅନୁମାନ କରାଯାଉଛି । ଏହି ଯୋଜନା ଦେଶରେ ସମସ୍ତଙ୍କ ପାଇଁ ଗୋଟିଏ ଗୋଟିଏ ହେଲଥ କାର୍ଡ କରାଯିବ ।
‘ୱାନ ନେଶନ ୱାନ ହେଲଥ କାର୍ଡ’ ଅଧିନରେ ସମସ୍ତ ଚିକିତ୍ସା ଏବଂ ଟେଷ୍ଟ ବିଷୟରେ ଉଲ୍ଲେଖ ରହିବ । ଏହା ସହ ସମ୍ବନ୍ଧିତ ସମସ୍ତ ସୂଚନା କାର୍ଡରେ ଡିଜିଟାଲ ଉପାୟରେ ସେଭ୍ କରି ରଖାଯିବ । ଯାହା ଫଳରେ ଆପଣ ଦେଶର ଯେଉଁ କୋଣରେ ବି ନିଜର ଚିକିତ୍ସା କରିବାକୁ ଯିବେ ଆପଣଙ୍କୁ ପୁରୁଣା ରିପୋର୍ଟ ସାଙ୍ଗରେ ଧରି ଯିବାକୁ ପଡ଼ିବ ନାହିଁ । ଡାକ୍ତର ନିଜେ ୟୁନିକ ଆଇଡି ଜରିଆରେ ମେଡିକାଲ ରିକର୍ଡ ନିଜେ ଦେଖି ପାରିବେ। ପ୍ରତ୍ୟେକ ନାଗରିକଙ୍କ ପାଇଁ ସିଙ୍ଗଲ ୟୁଜ ଆଇଡି ଜାରି କରାଯିବ । ୟୁନିକ ଆଇଡିରେ ଏହା ଲଗଇନ ହେବ। ଏଥିପାଇଁ କ୍ଲିନିକ, ଡାକ୍ତର ଏବଂ ହସ୍ପିଟାଲ ଏକ ସେଣ୍ଟ୍ରାଲ ସରଭରରେ ଲିଙ୍କ ହେବେ ।
ଏହି ଯୋଜନାର ପ୍ରଥମ ପର୍ଯ୍ୟାୟ ପାଇଁ 500 କୋଟି ରଖାଯାଇଥିଲା । ହେଲଥ କାର୍ଡ ଆଧାର କାର୍ଡ ଆଧାରରେ ତିଆରି କରାଯିବ । ତେବେ ଏହା ବାଧ୍ୟତାମୂଳକ ହେବ ନାହିଁ । ଅର୍ଥାତ୍ ନାଗରିକ ସ୍ଵଇଚ୍ଛାରେ ଏହାକୁ ତିଆରି କରିପାରିବେ । ତେବେ ନାଗରିକଙ୍କ ବ୍ୟକ୍ତିଗତ ତଥ୍ୟକୁ ଗୋପନୀୟ ରଖାଯିବ ।
ତେବେ ଏହା ପୂର୍ବରୁ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ‘ୱାନ ନେଶନ ୱାନ ରାଶନ କାର୍ଡ’ ଲାଗୁ କରିଥିଲେ । ଏହା ଆଧାରରେ ରାଶନ କାର୍ଡର ସୁବିଧା ଦେଶରେ କୌଣସି ବି କୋଣରେ ରହିଲେ ମିଳିବ । ଅର୍ଥମନ୍ତ୍ରୀ ନିର୍ମଳା ସୀତାରମଣ ଆର୍ଥିକ ପ୍ୟାକେଜ ଘୋଷଣା କରିବା ସମୟରେ ଏହି ବିଷୟରେ କହିଥିଲେ । ମୋଦି ସରକାରଙ୍କ ଏହି ଯୋଜନାରେ 67 କୋଟି ଲୋକଙ୍କୁ ସୁବିଧା ମିଳିବ ।
