ସତ୍ୟଶିଖା ୨୧/୦୧/୨୦୨୧ : କଟକ ଜିଲ୍ଲା ବଡମ୍ବା ରେଞ୍ଜର ଚୋରା କାଠ କାରବାରର ଚେର କେଉଁଠି ଲମ୍ବିଛି ତାହା କହିବା ମୁସ୍କିଲ । ଗତ ଦୁଇ ବର୍ଷ ଧରି ଚାଲିଥିବା ଚୋରା କାଠ ବେପାର ପର୍ଦ୍ଦାଫାସ କରିଛି ଆଠଗଡ଼ ବନ ବିଭାଗ । ବନ ବିଭାଗ ବିଶେଷ ସୂତ୍ରରୁ ଖବର ପାଇ ଆଠଗଡ ଡିଏଫଓଙ୍କ ନିର୍ଦେଶକ୍ରମେ ବଡମ୍ବା ରେଞ୍ଜ ସାନବାରସିଙ୍ଗହ ଗାଁରେ ଚଢାଉ କରିଥିଲା । ବିଭାଗର ମୋବାଇଲ୍ ସ୍କ୍ୱାର୍ଡ ଟିମ୍ ଲକ୍ଷାଧିକ ଟଙ୍କାର କାଠ ଏବଂ କରତ ଜବତ କରିଛି । ବଡମ୍ବା ରେଞ୍ଜ ଅଧିକାରୀଙ୍କ ଜାଣନ୍ତରେ ଏହା ଚାଲିଥିବା ଅଭିଯୋଗ ହୋଇଛି । ଏହି ଚଢାଉ ପଛରେ ନୂଆ ବନଖଣ୍ଡ ଅଧିକାରୀଙ୍କ ହାତ ରହିଛି । ନୂଆ ବନଖଣ୍ଡ ଅଧିକାରୀ ଦାୟିତ୍ଵ ନେବା ପରେ ଏହା ବଡ଼ ସଫଳତା ବୋଲି ଚର୍ଚ୍ଚା ଜୋର ଧରିଛି ।
