ନ୍ୟୁଜ୍ରାଜ୍ୟ

ମିଳିଲା ମେମୋରି ଚିପର ସୁରାକ୍, ମାନସ ପାଖରେ ଚିପ୍ ଥିବା କହିଲା କ୍ରାଇମବ୍ରାଞ୍ଚ

ସତ୍ୟଶିଖା( ଭୁବନେଶ୍ୱର )୦୫.୦୪.୨୦୨୨ : କ୍ୟାମେରାମ୍ୟାନ ମାନସ ସ୍ବାଇଁ ହତ୍ୟାକାଣ୍ଡର ମୂଳ କାରଣ ଥିଲା ମେମୋରି ଚିପ୍ । କ୍ରାଇମବ୍ରାଞ୍ଚ ମମୋରି ଚିପ୍ ପାଖରେ ପହଞ୍ଚିବାକୁ ନାକେଦମ ହୋଇଥିବା ବେଳେ ଶେଷରେ ଚିପ୍ ସମ୍ପର୍କରେ ସୁରାକ୍ ମିଳିଛି । ଶର୍ମିଷ୍ଠା ନୁହେଁ ବରଂ ମାନସଙ୍କ ପାଖରେ ଚିପ୍ ଥିଲା । ଯାହାକୁ ସେ ଶର୍ମିଷ୍ଠାଙ୍କ ଅଫିସରୁ ନେଇଯାଇଥିଲେ । ପରେ ସେଥିରୁ ସବୁ ଫାଇଲ ଡିଲିଟ କରିବା ପରେ ଏହାକୁ ନିଜ ପାଖରେ ରଖିଥିଲେ । ଏନେଇ କ୍ରାଇମବ୍ରାଞ୍ଚ ସୂଚନା ଦେଇଛି । ତେବେ ଶର୍ମିଷ୍ଠା ମାନସ ଠାରୁ ଉକ୍ତ ମେମୋରି ଚିପ୍‌ ପାଇନାହାନ୍ତି । ଏହି ଚିପ୍ ପାଇଁ କ୍ରାଇମବ୍ରାଞ୍ଚ ମଧ୍ୟ ମାନସର ଘରେ ଚଢାଉ କରିଥିଲା । ହେଲେ ଘରୁ ଚିପ୍ ପାଇନଥିବା କ୍ରାଇମବ୍ରାଞ୍ଚ ସୂଚନା ଦେଇଛି । ଅନ୍ୟପଟେ ମାନସର ଚପଲ ଓ ଇୟର ଫୋନକୁ ତାଙ୍କ ପରିବାର ଲୋକେ ଚିହ୍ନଟ କରିଛନ୍ତି । ରଞ୍ଜନ ଲୁଚାଇଥିବା ଜବତ ଅଧାପୋଡା ଚପଲ ଓ ଇୟର ଫୋନକୁ ମାନସର ବୋଲି ଚିହ୍ନିଛନ୍ତି ତାଙ୍କ ପତ୍ନୀ ଓ ଭାଇ ।

Show More
Back to top button