ସତ୍ୟଶିଖା ୧୬/୧୨/୨୦୨୦ : ସ୍ମୃତି ତାହା ସର୍ବଦା ଚିସ୍ମରଣୀୟ। ସ୍ମୃତି ସେ ବିଜୟର, ବୀର ପୁରୁଷର । ଯାହାଙ୍କୁ ଉଚ୍ଚ ସ୍ତରୀୟ ସମ୍ମାନ ଓ ତାଙ୍କ ବିରତ୍ୱର ଗାନ ପାଇଁ ପ୍ରତିବର୍ଷ ଡିସେମ୍ବର ୧୬ରେ ବିଜୟ ଦିବସ ପାଳନ କରାଯାଏ । ୧୯୭୧ ମସିହାରେ ଏହି ଦିନରେ ହିଁ ଭାରତ-ପାକ ମଧ୍ୟରେ ହୋଇଥିବା ଯୁଦ୍ଧରେ ଭାରତ ବିଜୟ ହାସଲ କରିଥିଲା । ସେହିଦିନ ଠାରୁ ପ୍ରତ୍ୟେକ ବର୍ଷ ଡିସେମ୍ବର ୧୬କୁ ବିଜୟ ଦିବସ ରୂପେ ପାଳନ କରାଯାଏ । ପ୍ରାୟ ୧୩ ଦିନ ଧରି ଏହି ଯୁଦ୍ଧ ହୋଇଥିଲା । ଏହି ଯୁଦ୍ଧରେ ପ୍ରାୟ ୩୦୦୦ରୁ ଅଧିକ ଭାରତୀୟ ସୈନ୍ୟ ଶହୀଦ ହୋଇଥିଲେ। ବହୁ ସୈନ୍ୟ ଗୁରୁତର ଆହତ ମଧ୍ୟ ହୋଇଥିଲେ ।
ଯୁଦ୍ଧ ପରେ ବିଶ୍ୱ ମାନଚିତ୍ରରେ ବଙ୍ଗଳାଦେଶ ଭାବେ ଗୋଟିଏ ନୂଆ ଦେଶର ଉଦୟ ହୋଇଥିଲା । ପାକ୍ ସେନାର ନେତୃତ୍ୱ ନେଇଥିବା ଲେ. ଜେନେରାଲ ଏକେ ନିୟାଜୀ ନିଜ ୯୩ହଜାର ସୈନିକଙ୍କ ସହ ଭାରତୀୟ ସେନାର କମାଣ୍ଡର ଲେ. ଜେନେରାଲ ଜଗଜୀତ ସିଂହ ଅରୋଡ଼ାଙ୍କ ନିକଟରେ ଆତ୍ମସମର୍ପଣ କରି ପରାଜୟ ସ୍ୱୀକାର କରିଥିଲେ । ଯୁଦ୍ଧ ପରେ ବହୁ ପାକ ସୈନ୍ୟ ଆତ୍ମସମର୍ପଣ ମଧ୍ୟ କରିଥିଲେ ।
