ନୀଳାଚଳ ଇସ୍ପାତକୁ କଂସାରୀ ହାତକୁ ଟେକି ନଦେଇ ସେଲ୍କୁ ଦିଆଯାଉ : ପଞ୍ଚାନନ କାନୁନଗୋ
ସତ୍ୟଶିଖା (ଭୁବନେଶ୍ୱର) ୨୯/୧୦/୨୦୨୦ : ନୀଳାଚଳ ଇସ୍ପାତ ନିଗମ ପୁଞ୍ଜି ପ୍ରତ୍ୟାହାର ନେଇ କେନ୍ଦ୍ର ଓ ରାଜ୍ୟ ମଧ୍ୟମରେ ବୁଝାମଣା ହୋଇଛି । ଏଠାରେ ଭାରତୀୟ ସରକାରଙ୍କ ଡମି ସରକାର ଚାଲିଛି ବୋଲି ପ୍ରେସମିଟ୍ ରେ ଅଭିଯୋଗ ଆଣିଛନ୍ତି ବରିଷ୍ଠ କଂଗ୍ରେସ ନେତା ପଞ୍ଚାନନ କାନୁନଗୋ । ୫ ହଜାର କର୍ମଚାରୀ ୭ ମାସ ହେଲା ଦରମା ପାଇନାହାନ୍ତି । ୧୧୦ ମିଲିଅନ ଟନ୍ ଲୁହାପଥର ଖଣି ରହିଛି । ଯାହା ଉପରେ ନଜର ରହିଛି । ୨୦୧୯ରୁ ଏଥିରୁ ଉତ୍ତୋଳନ ଆରମ୍ଭ ହେଲାଣି ।
କଂଗ୍ରେସ ସମୟରେ ୧୯୮୨ରେ ଆରମ୍ଭ ହୋଇଥିଲା ନୀଳାଚଳ । ଜାଣିଶୁଣି ଏହାର ଉତ୍ପାଦନ କମାଇଲେ । ବିକିବା ପାଇଁ କମ୍ପାନୀର ମୂଲ୍ୟାୟନ ୫୨୦୦ କୋଟି ଟଙ୍କାର କରାଯାଇଛି । ଖଣିର ମୂଲ୍ୟ ପ୍ରାୟ ୨୦ ହଜାର କୋଟି । ୨୬୦୦ ଏକର ଜମି ରହିଛି । ଅଧିକ କମିଶନ ପାଇବା ପାଇଁ ବିକ୍ରି ମସୁଧା କରୁଛି କେନ୍ଦ୍ର । ଭୟରେ ରାଜ୍ୟ ସରକାର କିଛି କହୁନାହାନ୍ତି । କେନ୍ଦ୍ର-ରାଜ୍ୟ ସରକାର ଯଦି ଓଡିଶାର ସ୍ବାର୍ଥ ଚାହାନ୍ତି ନୀଳାଚଳକୁ କଂସାରି ହାତକୁ ନଦେଇ ତୁରନ୍ତ ସେଲ୍ ହାତକୁ ଦିଆଯାଉ । ରାଜ୍ୟ ସରକାରଙ୍କ ଅଂଶଧନ ରଖିଥିବା କମ୍ପାନୀ ଓଏମସି ଓ ଇପିକଲ ଏହାକୁ କିଣନ୍ତୁ । ରାଜ୍ୟ ସରକାର ଗ୍ୟାରେଣ୍ଟର ହୋଇ କମ୍ପାନୀ ଚଲାନ୍ତୁ ବୋଲି ପଞ୍ଚାନନ କହିଛନ୍ତି ।
