ସତ୍ୟଶିଖା( ନୂଆଦିଲ୍ଲୀ )୨୭.୧୦.୨୦୨୨: କାଶ୍ମୀର ପଣ୍ଡିତ ପରିବାରରେ ବିବାହତ ମହିଳାମାନେ କାନରେ ମଙ୍ଗଳସୂତ୍ର ପିନ୍ଧିଥାନ୍ତି । ଆଜିକାଲି ବିଭିନ୍ନ ଡିଜାଇନରେ ମଙ୍ଗଳସୂତ୍ର ବଜାରରେ ମିଳୁଛି । କାନ ମଙ୍ଗଳସୂତ୍ର ଅନ୍ୟ ସବୁ ଡିଜାଇନଠାରୁ ଅଲଗା । କାଶ୍ମୀରରେ ଏହି କାନ ମଙ୍ଗଳସୂତ୍ରକୁ ଦେଝୁର ନାମରେ ଜଣା ଯାଏ । ଲମ୍ବା ସୁନା ଚେନରେ ମଝି ପାକେ ଛୋଟ ପଦକରେ ଶିବ- ପାର୍ବତୀ ଚିତ୍ର ଥାଏ । ବୈବାହିକ ଜୀବନ ଶିବ- ପାର୍ବତୀଙ୍କ ଭଳି ଅତିବାହିତ ହେଉ ବୋଲି ଡିଜାଇନ ସେହିପରି କରାଯାଇଛି । ଶ୍ୱଶୁର ଘରୁ କନ୍ୟାକୁ ଦେଝୁର ଉପହାର ମିଳେ ।
କାଶ୍ମୀର ପରମ୍ପରା ଅନୁସାରେ ବିବାହିତ ମହିଳା ଦେଝୁର ମଙ୍ଗଳସୂତ୍ରକୁ କାନରୁ କେବେହେଲେ ବାହାର କରିବା ଉଚିତ ନୁହେଁ । ଶୁଭ ପର୍ବପର୍ବାଣି ଅବସରରେ ସେଠିକା ମହିଳାମାନେ ପୁରୁଣା ଦେଝୁର ପିନ୍ଧିବା ନିୟମ ରହିଛି । ଆଜିକାଲି କେତୋଟି ହାତ ଗଣତି କାଶ୍ମୀର ପରିବାର ଏହି କାନ ପିନ୍ଧା ମଙ୍ଗଳସୂତ୍ର ନିୟମକୁ ପାଳନ କରୁଥିବାର ଦେଖାଯାଏ ।
