ମୃତ୍ୟୁ ପୂର୍ବରୁ ମାସନ ସ୍ୱାଇଁ ଲେଖିଥିଲେ ଚିଠି

ସତ୍ୟଶିଖା (ଭୁବନେଶ୍ୱର) ୨୫.୦୩.୨୦୨୨: ଜୀବନ ଶେଷ ଚିଠି ଲେଖିଥିଲେ କ୍ୟାମେରାମ୍ୟାନ୍‌ ମାନସ ସ୍ୱାଇଁ । କ୍ୟାମେରାମ୍ୟାନ ମାସନ ସ୍ୱାଇଁ ହତ୍ୟା ମାମଲାକୁ ନେଇ କ୍ରାଇମବ୍ରାଞ୍ଚ ତଦନ୍ତ ଜାରି ରହିଛି । ଏହାରିଭିତରେ ସାମ୍ନାକୁ ଆସିଛି ଏକ ଚାଞ୍ଚଲ୍ୟକର ତଥ୍ୟ ।  ମୃତ୍ୟୁ ପୂର୍ବରୁ କ୍ୟାମେରାମ୍ୟାନ ମାନସ ଚିଠି ଲେଖିଥିଲେ । ଦୟାଲ ଆଶ୍ରମର କେୟାରଟେକର ମାନସଙ୍କ ଚିଠି ପାଇଥିଲେ । ଦୟାଲ ଆଶ୍ରମର କେୟାରଟେକର ଜନୈକା ମହିଳା ଏନେଇ ସୂଚନା ଦେଇଛନ୍ତି ।

ସେ କହିଛନ୍ତି, ଆଶ୍ରମର ଉକ୍ତ ଘରଟିକୁ ଝାଡୁ କଲାବେଳେ ଖଟ ତଳୁ ଚିଠି ପାଇଥିଲେ । ପଲିଥିନରେ ଗୁଡା ହୋଇଥିବା ଚିଠିରେ ବହୁତ କଥା ଲେଖା ହୋଇଥିଲା । ପଲିଥିନରେ ୩ଟି ଚିଠି ଥିଲା । ସବୁ ଚିଠିରେ ସମାନ କଥା ଲେଖା ହୋଇଥିଲା ବୋଲି କେୟାରଟେକର କହିଛନ୍ତି । ସେମାନେ ତାଙ୍କୁ  ଉଠାଇ ଆଣି ପିଟିଥିବା ମାନସ ଚିଠିରେ ଲେଖିଥିଲେ । ତାଙ୍କର କ୍ୟାମେରା, ମୋବାଇଲ, ପାସବୁକ୍ ଛଡାଇ ନେଇଥିବା ମଧ୍ୟ ଚିଠିରେ ଲେଖାଥିଲା ।
ସେ ଚିଠିରେ ଆହୁରି ମଧ୍ୟ ଲେଖାଥିଲା ଯେ, ମୁଁ ଯଦି ମରିଯାଏ, ଶବ ଏ ପାପୀମାନଙ୍କୁ ଦେବନି । ମୋ ଶବକୁ ଏ ପାପୀମାନଙ୍କୁ ନଦେଇ ଗାଁ’କୁ ପଠାଇଦେବ । ଚିଠି ଶେଷରେ ମାନସ ନିଜ ନାଁ ଓ ଫୋନ୍ ନମ୍ବର ଲେଖିଥିଲେ ବୋଲି ସେ କହିଛନ୍ତି । ସେ ଚିଠିଟି ପଢିବା ପରେ କେୟାରଟେକର ଜଣଙ୍କ ସଂଧ୍ୟାରେ ଶର୍ମିଷ୍ଠା ମ୍ୟାଡମକୁ ଦେଇଥଲେ ବୋଲି କହିଛନ୍ତି ।

ତେବେ କୁଆଡେ ଗଲା ମାନସ ସ୍ବାଇଁଙ୍କ ହାତଲେଖା ଚିଠି ସେନେଇ ଉଠିଛି ପ୍ରଶ୍ନ । କ୍ରାଇମବ୍ରାଞ୍ଚ ହାତରେ ଲାଗିବ ମାନସର ସେଇ ହାତଲେଖା ଚିଠି ତାହା ଏବେ ବଡ ପ୍ରଶ୍ନ । କାରଣ ଏହି ଚିଠି ହିଁ ଖୋଲିବ ମାନସ ହତ୍ୟାର ରହସ୍ୟ ।