ସତ୍ୟଶିଖା( ଭୁବନେଶ୍ୱର )୨୧.୦୩.୨୦୨୨ : ଏକ ୱେବ୍ ପୋର୍ଟାଲ୍ରେ କାର୍ଯ୍ୟରତ କ୍ୟାମେରାମ୍ୟାନ୍ ମାନସ ସ୍ୱାଇଁ ହତ୍ୟା ମାମଲାର ସୁରାକ ପାଇଛି ପୁଲିସ୍ । ଚାନ୍ଦବାଲି ପୁଲିସ୍କୁ ଏନେଇ କିଛି ଗୁରୁତ୍ୱପୂର୍ଣ୍ଣ ସୁରାକ ମିଳିଥିବା ନେଇ ସୂଚନା ମିଳିଛି । ତେବେ ଏ ମାମଲାରେ ପୂର୍ବରୁ ଦୁଇଜଣଙ୍କୁ ପୁଲିସ୍ ଅଟକ ରଖିଥିବା ବେଳେ ଆଜି ଆଉ ଦୁଇଜଣଙ୍କୁ ଗିରଫ କରିଥିବା ସୂନା ଦେଇଛି ପୁଲିସ୍ । ଏ ସମ୍ପର୍କରେ ସମ୍ପୂର୍ଣ୍ଣ ବିବୃତ୍ତି ଦେବା ପାଇଁ ଅପରାହ୍ଣ ୩ଟାରେ ପୁଲିସ୍ ସାମ୍ବାଦିକ ସମ୍ମିଳନୀ କରିପାରେ ବୋଲି ସୂଚନା ଦିଆଯାଇଛି । ତେବେ ଏ ଘଟଣାରେ ଜଡ଼ିତ ୱେବ୍ ପୋର୍ଟାଲ୍ ମାଲିକାଣୀଙ୍କ ଏ ପର୍ଯ୍ୟନ୍ତ ପତ୍ତା ମିଳିନଥିବା ବେଳେ ପୁଲିସ୍ ଏ ସମ୍ପର୍କରେ ସମ୍ମିଳନୀ କରି ସୂଚନା ଦେଇପାରେ ବୋଲି ଆଶାବ୍ୟକ୍ତ କରାଯାଉଛି । ତେବେ ଆଜି ଗିରଫ ଦୁଇ ଅଭିଯୁକ୍ତଙ୍କ ମଧ୍ୟରୁ ଜଣେ ଭୁବନେଶ୍ୱର ରାଜ୍ କମ୍ୟୁନିକେସନ୍ର ମାଲିକ ଥିବା ଜଣାପଡ଼ିଛି । ହତ୍ୟା ପରଠାରୁ ମାମଲା ରୁଜୁ ହେବା ପରେ ୱେବ୍ ପୋର୍ଟାଲ୍ ମାଲିକାଣୀ ଶର୍ମିଷ୍ଠା ଫେରାର୍ ଥିବା ଜଣାପଡ଼ିଛି ।
