ସତ୍ୟଶିଖା ୧୨/୦୨/୧୦୨୧ : କରୋନା ମହାମାରୀ କାରଣରୁ ତିନୋଟି ପୁରୁଷ କ୍ରିକେଟ୍ ବିଶ୍ୱକପ୍ ଏବଂ ଦୁଇଟି ସିରିଜ୍କୁ ସ୍ଥଗିତ କରିଦିଆଯାଇଛି । ଆମେରିକା ଓ ନେପାଳ ବିପକ୍ଷରେ ଓମାନ ସିରିଜ୍ ଏବଂ ଓମାନ ଓ ସ୍କଟ୍ଲ୍ୟାଣ୍ଡ ବିପକ୍ଷରେ ପାପୁଆ ନ୍ୟୁ ଗିନ୍ ସିରିଜ୍ ମଧ୍ୟ ଆଗକୁ ସ୍ଥଗିତ କରିଦିଆଯାଇଛି । ଅନ୍ତରାଷ୍ଟ୍ରୀୟ କ୍ରିକେଟ୍ କାଉନ୍ସିଲ୍ ବା ଆଇସିସି ବର୍ତ୍ତମାନ ଏହି ତୋନୋଟି ବିଶ୍ୱକପ୍ ଏବଂ ଦୁଇଟି ସିରିଜ୍ ପାଇଁ ନୂଆ କାର୍ଯ୍ୟସୂଚୀ ପ୍ରସ୍ତୁତ କରୁଥିବା ଜଣାପଡ଼ିଛି ।
ଆଇସିସିର ଏକ ବିଜ୍ଞାପନ କାର୍ଯ୍ୟକ୍ରମରେ କୁହାଯାଇଛି ଯେ, ବର୍ତ୍ତମାନ ଦେଶ ଦେଶ ଭିତରେ ଯିବା ଆସିବାର ପ୍ରତିବନ୍ଧକ ଲଗାଯାଇଛି । ମ୍ୟାଚ୍ ପୂର୍ବରୁ କ୍ବାରେଣ୍ଟିନ୍ ଅବଧି ଏବଂ କୋଭିଡ୍ ମାମଲା ବୃଦ୍ଧିକୁ ଲକ୍ଷ୍ୟ କରି ସିରିଜ୍କୁ ସ୍ଥଗିତ କରାଯାଉଛି । ଆଇସିସିର ସଦସ୍ୟ ତଥା ସମ୍ବନ୍ଧିତ ସରକାର ଏବଂ ସାର୍ବଜନିକ ସ୍ବାସ୍ଥ୍ୟ ପ୍ରାଧିକରଣ ସହିତ ପରାମର୍ଶ କରିବା ସାରିବା ପରେ ଏହି ନିର୍ଣ୍ଣୟ ନିଆଯାଇଥିବା କୁହାଯାଇଛି ।
ଆଇସିସିର ଇଭେଣ୍ଟ୍ସ ମୁଖ୍ୟ କ୍ରିସ୍ ଟେଟଲି କହିଛନ୍ତି ଯେ, କାଉନ୍ସିଲ୍ ଖେଳାଳୀ, କୋଚ୍, ଅଧିକାରୀ ଏବଂ ପ୍ରଶାସନକୁ ପ୍ରାଥମିକତା ଦେଉଛି । ଏଥି ମଧ୍ୟରେ ଦେଶଗୁଡ଼ିକର କରୋନା ପରିସ୍ଥିତିକୁ ଦୃଷ୍ଟିରେ ରଖି ଏବଂ ଏକ୍ସପର୍ଟମାନଙ୍କ ପରାମର୍ଶକୁ ବିଚାର କରି ଏହି ସିରିଜ୍କୁ ସ୍ଥଗିତ କରିବା ସବୁଠାରୁ ଭଲ ହେବ ବୋଲି ସେ କହିଛନ୍ତି ।
