ସତ୍ୟଶିଖା( ଭୁବନେଶ୍ୱର)୧୧ .୦୭ . ୨୦୨୨: ମହାରାଷ୍ଟ୍ରରେ ଜାରି ରାଜନୈତିକ ନାଟକର ଆଜି ସୁପ୍ରିମକୋର୍ଟରେ କ୍ଲଶଇମେକ୍ସ ନିର୍ଦ୍ଧାରତ ହେବାର ଅଛି । ପ୍ରଥମ ଆବେଦନ ପୁରୁଣା, ଯେଉଁଥିରେ କି ୧୬ ଜଣ ବିଦ୍ରୋହୀ ବିଧାୟକଙ୍କ ଅଯୋଗ୍ୟତା ଉପରେ ଫଇସଲା ହେବାର ଅଛି । ଅନ୍ୟ ଆବେଦନ ହେଲା ଶୁକ୍ରବାର ଅଣାଯାଇଛି । ଏହି ଆବେଦନରେ ରାଜ୍ୟପାଳଙ୍କ ଜୁନ ୩୦ର ରାୟକୁ ଚ୍ୟାଲେଞ୍ଜ କରାଯାଇଛି, ଯେଉଁଥିରେ ସରକାର ଗଢ଼ିବା ପାଇଁ ଶିନ୍ଦେଙ୍କୁ ଡକାଯାଇଥିଲା । ଏହି ୨ ପ୍ରସଙ୍ଗରେ ଆଜି ସୁପ୍ରିମକୋର୍ଟରେ ଶୁଣାଣି ହେବ ।
ସବୁଠୁ ବଡ଼ ପ୍ରସଙ୍ଗ ହେଲା ୧୬ ଜଣ ବିଦ୍ରୋହୀ ବିଧାୟକଙ୍କୁ ଅଯୋଗ୍ୟ ଘୋଷଣା କରାଯିବା । ଯେତେବେଳ ଠାରୁ ଏକନାଥ ଶିନ୍ଦେ ନିଜର ସମର୍ଥକ ବିଧାୟକମାନଙ୍କ ସହିତ ଏକାଠି ହୋଇ ଉଦ୍ଧବ ସରକାରଙ୍କୁ ଭାଙ୍ଗିବାରେ ବଡ଼ ଭୂମିକା ଗ୍ରହଣ କରିଥିଲେ, ତାଙ୍କ ଉପରେ ଅଯୋଗ୍ୟତାର ଖଣ୍ଡା ଝୁଲିଥିଲା । ପ୍ରଥମ ଶୁଣାଣି ସମୟରେ ବିଦ୍ରୋହୀ ବିଧାୟକଙ୍କୁ ଜୁଲାଇ ୧୧ରେ ଅତିରିକ୍ତ ସମୟ ମିଳିଥିଲା । କିନ୍ତୁ କୌଣସି କାର୍ଯ୍ୟାନୁଷ୍ଠାନ ନିଆଯାଇ ନଥିଲା । କିନ୍ତୁ ଏବେ ଫଇସଲା ନେବାର ସମୟ ଆସିଯାଇଛି । ଏହି ଏକ ଫଇସଲା ହିଁ ମହାରାଷ୍ଟ୍ରର ରାଜନୀତିରେ ଅନେକ ଜିନିଷ ନିର୍ଦ୍ଧାରଣ କରିବ । ଏପର୍ଯ୍ୟନ୍ତ ମହାରାଷ୍ଟ୍ରର ନୂଆ ସରକାରରେ ବିଭାଗ ବଣ୍ଟନ ହୋଇପାରି ନାହିଁ । ମନ୍ତ୍ରିମଣ୍ଡଳ ସଂପ୍ରସାରଣ ହୋଇପାରି ନାହିଁ ।
