ଲମ୍ପି ଭାଇରସ୍ ଆତଙ୍କ; ୧୪ ଜିଲ୍ଲାକୁ ସତର୍କ ସୂଚନା, ଆନ୍ତଃରାଜ୍ୟ ଗୋ-ମଇଁଷି ପରିବହନ ମନା

ସତ୍ୟଶିଖା( ଭୁବନେଶ୍ୱର )୧୫.୦୯ . ୨୦୨୨:  ଏବେ ମହାମାରୀ କବଳରେ  ଗୋରୁ ଗାଈ । ଏହି ଗୃହପାଳିତ ପ୍ରାଣୀଙ୍କ  ଉପରକୁ ମାଡ଼ି ଆସିଛି ଲମ୍ପି ଭାଇରସ୍ । ଗୋଟିଏ ପରେ ଗୋଟିଏ ରାଜ୍ୟକୁ ଡେଉଁଛି ଏହି ସ୍କିନ୍ ରୋଗ । ଲମ୍ପି ପଞ୍ଝାରେ କବଳିତ ହୋଇ ସାରିଲାଣି ଦେଶର ୮ଟି  ରାଜ୍ୟ  ।

ଲମ୍ପି ଭାଇରସ୍କୁ ନିୟନ୍ତ୍ରଣକୁ ଆଣିବାକୁ ଏବେ ରାଜ୍ୟର ସୀମାନ୍ତବର୍ତ୍ତୀ ଜିଲ୍ଲାକୁ ସ୍କାନରରେ ରଖିଛନ୍ତି ରାଜ୍ୟ ସରକାର । ମୁଖ୍ୟତଃ ସୀମାନ୍ତ ଜିଲ୍ଲା, ବ୍ଲକ ଓ ଗାଁ ଗୁଡିକରେ ବ୍ୟାପକ ସଚେତନତା ସହ ୫ କିମି ପରିଧି ଉପରେ ନଜର ରଖିବାକୁ ନିର୍ଦ୍ଦେଶ ଦିଆଯାଇଛି । ଗୋ-ମଇଁଷି ପରିବହନ ଉପରେ କଟକଣା ଲଗାଯିବା ସହ ଔଷଧ ମହଜୁଦ ରଖିବାକୁ ନିର୍ଦ୍ଦେଶ ଦିଆଯାଇଛି  ।