ନିଜସ୍ୱ ଅଙ୍ଗନବାଡି କେନ୍ଦ୍ରରେ ପଡିଛି ତାଲା

ସତ୍ୟଶିଖା (ଭୁବନେଶ୍ୱର )୦୩.୧୧.୨୦୨୩ : ଉଦଳା ବ୍ଲକ କୁଟଲିଂ ଅଙ୍ଗନବାଡି କେନ୍ଦ୍ର। ଘର ସାମ୍ନାରେ ରହିଛି ଘର ତିଆରି ପଟ୍ଟା । ହେଲେ କୁନିକୁନି ଛାତ୍ରଛାତ୍ରୀ ପଢୁଛନ୍ତି ଅଙ୍ଗନବାଡି କର୍ମୀଙ୍କ ବାରଣ୍ଡାରେ । ସେହିଠାରେ ଚାଲିଛି କୁନି ଶିଶୁଙ୍କ ଭବିଷ୍ୟତ ତିଆରି । ଏହି ଅଙ୍ଗନବାଡିରେ ୨୫ରୁ ଅଧିକ ଛାତ୍ରଛାତ୍ରୀ ରହିଛନ୍ତି । ତତସହିତ ଗର୍ଭବତୀ ଏବଂ ପ୍ରସୂତି ମହିଳାମାନେ ମଧ୍ୟ ଏହି ଅଙ୍ଗନବାଡି ଉପରେ ନିର୍ଭର କରନ୍ତି । ହେଲେ ଅଙ୍ଗନବାଡିରେ ନିଯୁକ୍ତି ପରେ ଏହି ଗ୍ରାମରେ ଦେଖାଦେଇଛି ବିବାଦ । ଜଣେ ଯୁବତୀଙ୍କୁ ଅଙ୍ଗନବାଡି ହେଲପର ଭାବେ ନିଯୁକ୍ତି ଦିଆଯାଇଥିବା ବେଳେ ଏହାକୁ ବିରୋଧ କରିଛନ୍ତି କିଛି ସ୍ଥାନୀୟ ବାସିନ୍ଦା । ଯାହାକୁ ବିରୋଧ କରି ଆଜକୁ ଏକ ମାସରୁ ଅଧିକ ଅଙ୍ଗନବାଡିରେ ତାଲା ପକାଇ ଦେଇଛନ୍ତି ଗାଁର କିଛି ଗୋଷ୍ଠୀ ।