ସତ୍ୟଶିଖା ୦୨/୦୧/୨୦୨୧ : ୨୦୧୨ରୁ ଜାନୁଆରି ୨ ତାରିଖରେ ବିଶ୍ବ ସ୍ତରରେ ‘ବିଜ୍ଞାନ ଉପନ୍ୟାସ ଦିବସ’ ବା ‘ସାଇନ୍ସ ଫିକ୍ସନ୍ ଡେ’ ପାଳନ କରାଯାଉଛି । ଏହା ବିଜ୍ଞାନ ଔପନ୍ୟାସିକ ଓ ଗାଳ୍ପିକ ଆଇଜାକ୍ ଆସିମୋଭ୍ଙ୍କ ଜନ୍ମ ଦିନ । ସେ ‘ଆଧୁନିକ ବିଜ୍ଞାନ ଉପନ୍ୟାସ’ର ଜନକ ଭାବେ ଜଣାଶୁଣା । ସେ ପାଞ୍ଚ ଶହରୁ ଅଧିକ ବିଜ୍ଞାନ ପୁସ୍ତକର ରଚୟିତା ଓ ସ˚ପାଦକ । ସେ ଯୁକ୍ତରାଷ୍ଟ୍ର ଆମେରିକାରେ ବଢ଼ିଥିଲେ । ଆଧୁନିକ ବିଜ୍ଞାନ ଉପନ୍ୟାସକୁ ନୂଆ ରୂପ ଓ ଦିଗ ଦେଇଥିଲେ । ତାଙ୍କ ସ˚ପର୍କରେ ଏକ ଉଲ୍ଲେଖନୀୟ କଥା ହେଉଛି, ସେ ବିମାନରେ ଯାତ୍ରା କରିବାକୁ ଭୟ କରୁଥିଲେ । ନିଜ ଜୀବନ କାଳରେ ମାତ୍ର ଦୁଇ ଥର ବିମାନ ଯାତ୍ରା କରିଥିଲେ । ପୁଣି, ସେ ସର୍ବଦା ବନ୍ଦ କୋଠରିରେ ରହିବାକୁ ଭଲପାଉଥିଲେ । ତାଙ୍କ ବାବଦରେ ଅଧିକ ଜାଣିବା ତଥା ବିଜ୍ଞାନ ଉପନ୍ୟାସ ପଢ଼ିବା, ଏହି ଦିବସ ପାଳନର ଲକ୍ଷ୍ୟ ।
