ସତ୍ୟଶିଖା(ଭୁବନେଶ୍ୱର ) ୨୯.୧୨.୨୦୨୧: ଦୁଇ ଦିନ ଯାଏଁ ରାଜ୍ୟର କେତେକ ସ୍ଥାନରେ ହାଲୁକାରୁ ମଧ୍ୟମ ଧରଣର ବର୍ଷା ସମ୍ଭାବନା । ପରେ ନୂଆବର୍ଷରୁ ରାଜ୍ୟକୁ ଫେରିବ ଶୀତ ଲହରୀ । ଆଜି ଆଭ୍ୟନ୍ତରୀଣ ଓଡିଶା ସମେତ ଉପକୂଳ ଓଡିଶାର କେତେକ ଜିଲ୍ଲାରେ ବର୍ଷା ହେବାର ସମ୍ଭାବନା ରହିଛି । ଏହି ସବୁ ଜିଲ୍ଲା ଗୁଡିକ ହେଉଛି ନୂଆପଡା, ବଲାଙ୍ଗୀର, ସୋନପୁର, ବୌଦ୍ଧ, ନୟାଗଡ ଓ ଖୋର୍ଦ୍ଧା ।
ସେହିପରି ଆସନ୍ତାକାଲି ଉପକୂଳ ଓଡିଶା ସମେତ ମୟୂରଭଞ୍ଜ, କେନ୍ଦୁଝର, ଢେଙ୍କାନାଳ ଏବଂ କନ୍ଧମାଳ ଜିଲ୍ଲାରେ ବର୍ଷା ହେବା ନେଇ ଆଞ୍ଚଳିକ ପାଣିପାଗ ବିଭାଗ ପକ୍ଷରୁ ଆଲର୍ଟ ଜାରି କରାଯାଇଛି । ତେବେ ନୂଆବର୍ଷ ଆରମ୍ଭରୁ ରାତ୍ରୀକାଳୀନ ତାପମାତ୍ରା 3 ରୁ 4 ଡିଗ୍ରୀ ହ୍ରାସ ହେବ । ଫଳରେ ପୁଣିଥରେ ହାଡଭଙ୍ଗା ଜାଡ ଫେରିବା ଆଶଙ୍କା ରହିଛି ।
