ଭୁବନେଶ୍ୱର ମହାନଗର ନିଗମ ୱାର୍ଡ ନଂ ୩୮ ନୁଆପଲ୍ଲୀ ଗ୍ରାମରେ ଜୀବନବିନ୍ଦୁ ରକ୍ତଦାନ ଶିବିର ଅନୁଷ୍ଠିତ I

ସତ୍ୟଶିଖା ( ଭୁବନେଶ୍ୱର ) :  ଭୁବନେଶ୍ୱର ମହାନଗର ନିଗମ ୱାର୍ଡ ନଂ ୩୮ ନୁଆପଲ୍ଲୀ ଗ୍ରାମରେ ମାନ୍ୟବର ମୁଖ୍ୟମନ୍ତ୍ରୀ ଜନନେତା ଶ୍ରୀଯୁକ୍ତ ନବୀନ ପଟ୍ଟନାୟକଙ୍କର ଉପଦେଶ ଓ ମାର୍ଗଦର୍ଶନକୁ ଲକ୍ଷରଖି ନୁଆପଲ୍ଲୀ ଯୁବ ପରିଷଦର ସକ୍ରିୟ ସହଯୋଗ ଓ ଭୁବନେଶ୍ୱର ମହାନଗର ନିଗମର ଆନୁକୂଲ୍ୟରେ ଜୀବନବିନ୍ଦୁ ରକ୍ତଦାନ ଶିବିର ଅନୁଷ୍ଠିତ ହୋଇଯାଇଛି । ଏହି ଶିବିରରେ କରୋନା ମହାମାରୀର ପାଦୁର୍ଭାବକୁ ଭୃକ୍ଷେପ ନକରି ଉତ୍ସାହୀ ତଥା ଜନମଙ୍ଗଳ ଚିନ୍ତକ ଯୁବକ ଯୁବତୀ ମାନେ ସ୍ବେଚ୍ଛାକୃତ ରକ୍ତଦାନ କରିବାକୁ ଆସିଥିଲେ ।

ଏବଂ ପ୍ରାୟ ୩୫ ଜଣ ରକ୍ତଦାନ କରିଥିଲେ , ବର୍ତ୍ତମାନ ସ୍ୱାସ୍ଥ୍ୟଜନିତ ଗମ୍ଭୀର ପରିସ୍ଥିତିର ମୁକାବିଲା ପାଇଁ ଏହି ରକ୍ତ ମହତକର୍ମରେ ଲାଗିବ ବୋଲି ଏହି ଶିବିରକୁ ଉଦଘାଟନ କରି ଭୁବନେଶ୍ୱର ମଧ୍ୟ ନିର୍ବାଚନ ମଣ୍ଡଳୀର ବିଧାୟକ ଅନନ୍ତ ନାରାୟଣ ଜେନା ବକ୍ତବ୍ୟ ପ୍ରଦାନ କରିଥିଲେ , ୱାର୍ଡ ନଂ ୩୮ ର ପୁର୍ବତନ କର୍ପୋରେଟର ନିଖିଳ ବଳବନ୍ତରାୟଙ୍କ ପ୍ରତ୍ୟକ୍ଷ ତତ୍ବାବଧାନ ଓ ନେତୃତ୍ୱରେ ଏହି ମହତ କାର୍ଯ୍ୟକ୍ରମକୁ ଉତ୍ସାହିତ କରିବା ପାଇଁ ୱାର୍ଡ ନଂ ୩୯ ପୁର୍ବତନ କର୍ପୋରେଟର ରାମାନାଥ ସାମନ୍ତରାୟ ଗ୍ରାମ୍ୟ ଉନ୍ନୟନ କମିଟିର ସଭାପତି ନଟବର ସାମନ୍ତରାୟ , ସମ୍ପାଦକ ଦିବାକର ଜେନା, ସମାଜସେବୀ ଅର୍ଜୁନ ବେହେରା , ସାଗର ବଳବନ୍ତରାୟ, ମିଲନ କୁମାର ପାଇକରାୟ ଆଦି ଅନେକ ବରିଷ୍ଠ ଗ୍ରାମବାସୀ ଶୁଭେଚ୍ଛା କାମନା କରିଥିଲେ । ଏହି ମହତ କାର୍ଯ୍ୟକ୍ରମକୁ ଶ୍ରମଦାନ ଦେଇ ସଫଳ କରିବା ପାଇଁ ନୁଆପଲ୍ଲୀ ଯୁବ ପରିଷଦର ସଭାପତି ତଥା ୱାର୍ଡ ନଂ ୩୮ ର ପୂର୍ବତନ କର୍ପୋରେଟର ନିଖିଳ ବଳବନ୍ତରାୟ ଓ ସମ୍ପାଦକ ଯୁବ ନେତୃତ୍ୱ ଦୀପକ ପଟନାୟକ ଉପସ୍ଥିତ ଥିଲେ I

Exit mobile version