ସତ୍ୟଶିଖା (ନୂଆଦିଲ୍ଲୀ) ୧୨/୦୨/୧୦୨୧ : ବିଶ୍ୱର ପ୍ରମୁଖ ଇସ୍ପାତ କମ୍ପାନି ଆର୍ସେଲର ମିତ୍ତଲର ନୂଆ ଅଧ୍ୟକ୍ଷ ତଥା ସିଇଓ ହେବେ ଆଦିତ୍ୟ ମିତ୍ତଲ । କମ୍ପାନିର ପ୍ରତିଷ୍ଠାତା ତଥା ଆଦିତ୍ୟଙ୍କ ବାପା ଲକ୍ଷ୍ମୀ ନିବାସ ମିତ୍ତଲ ଏବେ ସିଇଓ ଭାବେ କାର୍ଯ୍ୟ କରୁଛନ୍ତି । ତେବେ ଲକ୍ଷ୍ମୀ ମିତ୍ତଲ କମ୍ପାନିର କାର୍ଯ୍ୟନିର୍ବାହୀ ଅଧ୍ୟକ୍ଷ ଭାବେ କମ୍ପାନିର ଦାୟିତ୍ୱ ନିର୍ବାହ କରିବେ । ୪୫ ବର୍ଷୀୟ ଆଦିତ୍ୟ ଏବେ କମ୍ପାନିର ମୁଖ୍ୟ ଆର୍ଥିକ ଅଧିକାରୀ ଅଛନ୍ତି । ଏଥିସହିତ କମ୍ପାନିର ୟୁରୋପ ବ୍ୟବସାୟର ନେତୃତ୍ୱ ମଧ୍ୟ ନେଉଛନ୍ତି ।
