କୁଡୁମୁଲୁଗୁମ୍ମା ଶିକ୍ଷା ଅଧିକାରୀ ଭାବେ ସୁଶ୍ରୀ ଗାୟତ୍ରୀ ଦେବୀ ଙ୍କୁ ସ୍ୱାଗତ ।

ସତ୍ୟଶିଖା : ୨୦ /୧୧/୨୦୨୦( ବିଦ୍ୟାଧର ସାହାଣୀ ) କୁଡୁମୁଲୁଗୁମ୍ମା- ଓଡିଶା ବିଦ୍ୟାଳୟ ଓ ଗଣଶିକ୍ଷା ବିଭାଗ ପକ୍ଷରୁ ପ୍ରକାଶିତ ପଦୋନ୍ନତି ବିଜ୍ଞପ୍ତି ଆଧାରରେ ସୁଶ୍ରୀ ଗାୟତ୍ରୀ ଦେବୀଙ୍କୁ କୁଡୁମୁଲୁଗୁମ୍ମା ବ୍ଲକ ଶିକ୍ଷା ଅଧିକାରୀ ଭାବେ ଯୋଗ ଦାନ କରିଛନ୍ତି ।  ଏହି  ଅବସରରେ  ବ୍ଲକ ପ୍ରାଥମିକ  ଶିକ୍ଷକ  ସଂଘ ପକ୍ଷରୁ  ଏକ ସଂବର୍ଧନା ଓ ସ୍ୱାଗତ କାର୍ଯ୍ୟକ୍ରମ ଅନୁଷ୍ଠିତ ହୋଇଥିଲା । ଏଥିରେ ମୂଖ୍ୟ ଅତିଥି ଭାବରେ ନୂତନ ବ୍ଲକ୍ ଶିକ୍ଷା ଅଧିକାରୀ ସୁଶ୍ରୀ ଗାୟତ୍ରୀ ଦେବୀ,  ସଭାପତି  ଭାବେ ସହକାରୀ ବ୍ଲକ ଶିକ୍ଷା ଅଧିକାରୀ ଅଞନ ଚୌଧୁରୀ,  ସମ୍ମାନୀତ ଅତିଥି ଭାବେ ଶ୍ରୀ କୃପାସିନ୍ଧୁ ଆମ୍ବାଗୁଡିଆ, ଏବିଓ ଶ୍ରୀ ରମେଶ ଚନ୍ଦ୍ର ନେଲୁରୁ, ସଭାପତି ବ୍ଲକ ପ୍ରାଥମିକ ଶିକ୍ଷକ ସଂଘ, ସଂପାଦକ ଶ୍ରୀ ବଳରାମ ପୂଜାରୀ ଯୋଗ ଦାନ କରିଥିଲେ । ସଂଘର ସମସ୍ତ ସଭ୍ୟ /ସଭ୍ୟା, ଶିକ୍ଷକ ଶିକ୍ଷୟତ୍ରୀ, ସମସ୍ତ ସିଆର୍ ସିସି, ଓ ଅଫିସ୍ କର୍ମଚାରୀ ମାନେ ଯୋଗ ଦେଇଥିଲେ ।  ବର୍ତ୍ତମାନ ସେ ଶିକ୍ଷା ଅଧିକାରୀ ଭାବେ ଯୋଗ ଦାନ କରି ଏହି ବ୍ଲକ ର ଶିକ୍ଷା ବ୍ୟବସ୍ଥା କୁ ଆଗକୁ ବଢେଇବା ପାଇଁ ସହାୟତା ପ୍ରଦାନ କରିବେ ବୋଲି ପ୍ରତିଶ୍ରୁତି ଦେଇଥିଲେ । ସରକାରଙ୍କ କୋବିଡ୍ ନିୟମ ଅନୁଯାୟୀ ସମସ୍ତେ ମାସ୍କ ବ୍ୟବହାର କରି ସାମାଜିକ ଦୂରତା ରକ୍ଷା କରି ଉତ୍ସବ ରେ ଅଂଶଗ୍ରହଣ କରିଥିଲେ । ସଂଘର ସଂପାଦକ ଶ୍ରୀ ବଳରାମ ପୂଜାରୀ ଧନ୍ୟବାଦ ଅର୍ପଣ କରିଥିଲେ I