କୁବେର ସହକାରୀ ଯନ୍ତ୍ରୀ, ଶାଳି ଘରେ ଲୁଚାଇଥିଲେ ୧ କୋଟି ଟଙ୍କା

ସତ୍ୟଶିଖା( ଭୁବନେଶ୍ୱର )୦୯.୦୪.୨୦୨୨ : ଆୟ ବହିର୍ଭୂତ ସମ୍ପତ୍ତିଠୁଳ ଅଭିଯୋଗରେ ଗିରଫ ହୋଇଥିବା ଗଞ୍ଜାମ ଜିଲ୍ଲା ଭଞ୍ଜନଗର କ୍ଷୁଦ୍ର ଜଳସେଚନ ବିଭାଗର ସହକାରୀ ଯନ୍ତ୍ରୀ କାର୍ତ୍ତିକେଶ୍ୱର ରାଉଳଙ୍କ ସମ୍ପର୍କୀୟଙ୍କ ଘରୁ ବାହାରୁଛି ପୁଳାପୁଳା ଟଙ୍କା। ଝମ୍ପୁଡି ଘରୁ ଏତେ ଟଙ୍କା  ବାହରିବା ଦେଖି  ଭିଜିଲାନ୍ସ କର୍ମଚାରୀ ଚକିତ। ଆଜି ଭିଜିଲାନ୍ସ କାର୍ତ୍ତିକେଶ୍ୱରଙ୍କ ଦ୍ୱିତୀୟ ପତ୍ନୀ କଳ୍ପନା ପ୍ରଧାନଙ୍କ ଭଉଣୀଙ୍କ ଘରୁ ୧କୋଟି ୪୧ ଲକ୍ଷ ଓ ୩୫୪ଗ୍ରାମ୍ ସୁନା ଜବତ କରିଛି।

କାର୍ତ୍ତିକେଶ୍ୱରଙ୍କ ପତ୍ନୀଙ୍କୁ ଜେରାବେଳେ ସେ ବିପୁଳ ପରିମାଣର ଟଙ୍କା ଓ ସୁନା ଲୁଚାଇଥିବା ଜଣାପଡ଼ିଥିଲା। ଏହାପରେ ଆଜି ଭୋରରୁ ଭିଜିଲାନ୍ସ ଟିମ୍ କଳ୍ପନାଙ୍କ ଭଉଣୀ ରହୁଥିବା ସାଲିଆ ସାହିରେ ଚଢଉ କରି ନଗଦ  ୧କୋଟି ୪୧ ଲକ୍ଷ ୬୨ ହଜାର ୪ଶହ ଟଙ୍କା ଜବତ କରିଛି। ଏଥିସହ କାର୍ତ୍ତିକେଶ୍ୱରଙ୍କ ପତ୍ନୀଙ୍କ ଭଉଣୀ ପୋଖରୀପୁଟରେ ୭୮ ଲକ୍ଷ ଟଙ୍କା ଦେଇ ଏକ ଟ୍ରିପଲେକ୍ସ କିଣିଥିବା ଜଣାପଡିଛି।