ରାଉରକେଲା(ସତ୍ୟଶିଖା): ରାଉରକେଲା ଷ୍ଟେସନ ଅଞ୍ଚଳ, ମଧୁସୂଦନ ମାର୍ଗ , ନୂଆ ବସ ଷ୍ଟାଣ୍ଡ ଅଞ୍ଚଳରେ ୧୪୪ ଧାରା ଜାରି କରାଯାଇଛି । ରାଉରକେଲା ଏଡିଏମ୍ଙ୍କ ନିର୍ଦ୍ଦେଶ କ୍ରମେ ଗୁରୁବାର ଦିନ ୧୨ଟାରୁ ରାତି ୧୨ଟା ପର୍ଯ୍ୟନ୍ତ ଏହି ଧାରା ବଳବତ୍ତର ରହିବ ।
ଆହୁରି ପଢ଼ନ୍ତୁ
ଆନ୍ଧ୍ରପ୍ରଦେଶରୁ ଏକ ସ୍ୱତନ୍ତ୍ର ଶ୍ରମିକ ଟ୍ରେନ ଆଜି ରାଉରକେଲାକୁ ୩୦୦ ଶ୍ରମିକ ନେଇ ଆସୁଥିବାରୁ ଏହି ସତର୍କତାମୂଳକ ପଦକ୍ଷେପ ଗ୍ରହଣ କରାଯାଇଛି । ଏହି ଅଞ୍ଚଳର ସମସ୍ତ ଦୋକାନ ବଜ଼ାର ବନ୍ଦ ରହିବ। ଶ୍ରମିକମାନେ ଆସିବା ପରେ ସେମାନଙ୍କୁ କ୍ୱାରେଣ୍ଟାଇନ୍ ସେଣ୍ଟରରେ ରଖାଯାଇ ସ୍କ୍ରିନିଂ କରାଗଲା ପରେ ସେମାନଙ୍କ ଗନ୍ତବ୍ୟ ସ୍ଥଳକୁ ପଠାଯିବ ।
