ସତ୍ୟଶିଖା ( ବାଲେଶ୍ୱର ) : ଖଇରା : ୧୬ .୦୭.୨୦୨୦ ମାନ୍ୟବର ଯଶସ୍ବୀ ମୁଖ୍ୟମନ୍ତ୍ରୀ ଶ୍ରୀଯୁକ୍ତ ନବୀନ ପଟ୍ଟନାୟକଙ୍କର ନିର୍ଦ୍ଧେଶ ଓ ମାର୍ଗଦର୍ଶନକୁ ଲକ୍ଷରଖି ଆଜି ଖଇରା ବ୍ଲକ ସାରକୋଣା ପଞ୍ଚାୟତର ସାରକୋଣା ପ୍ରାଥମିକ ନୋଡ଼ାଲ ବିଦ୍ୟାଳୟରେ ଜୀବନବିନ୍ଦୁ ରକ୍ତଦାନ ଶିବିର ଅନୁଷ୍ଠିତ ହୋଇଯାଇଅଛି । ଏହି ଶିବିରରେ ମୁଖ୍ୟ ଅତିଥି ମାନ୍ୟବର ମନ୍ତ୍ରୀ ଶ୍ରୀଯୁକ୍ତ ଜ୍ୟୋତିପ୍ରକାଶ ପାଣିଗ୍ରାହୀ ଯୋଗ ଦେଇ ବର୍ତ୍ତମାନ ମହାମାରୀର ଗମ୍ଭୀର ପରିସ୍ଥିତି ଓ ଏହାର ମୁକାବିଲା ପାଇଁ ଏହି ରକ୍ତ ଦାନ ଭଳି ଏକ ମହତ କାର୍ଯ୍ୟ କରୁଥିବା ସମସ୍ତ ବନ୍ଧୁମାନେ ଜଣେ ଜଣେ ଯୋଦ୍ଧା ରୂପେ ପରିଚୟ ଦେଇ ସ୍ଥାନୀୟ ଲୋକମାନଙ୍କୁ ଉତ୍ସାହିତ କରିଥିଲେ ସବୁ ନିୟମକୁ ମାନି, ସାମାଜିକ ଦୂରତା ରକ୍ଷାକରି “ଜୀବନ ବିନ୍ଦୁ’ କାର୍ଯ୍ୟକ୍ରମ ଅତି ଶୃଙ୍ଖଳିତ ଭାବେ ପରିଚାଳନା କରାଯାଇଥିଲା I
ଏହି କାର୍ଯ୍ୟକ୍ରମରେ ବ୍ଲକ ଜୀବନ ବିନ୍ଦୁ କାର୍ଯ୍ୟକ୍ରମର ସଂଯୋଜକ ପ୍ରହଲ୍ଲାଦ ପତି, ବ୍ଲକ ସଭାପତି ବ୍ରଜକିଶୋର ମହାନ୍ତି, ଜିଲ୍ଲାପରିଷଦ ସଭ୍ୟା ଜୟନ୍ତୀ ମହଲା, ସ୍ଥାନୀୟ ସରପଞ୍ଚ ନୀଳାଦ୍ରୀ ସାହୁ, ସମିତିସଭ୍ୟ ସିଦ୍ଧାର୍ଥ ବେହେରା, ପଞ୍ଚାୟତ ସଭାପତି ସୁଶାନ୍ତ ନାୟକ , ଯୁବ ସଭାପତି ବିଜୟ ବିଶ୍ୱାଳ , ବାଲେଶ୍ୱର ରକ୍ତ ସଂଗ୍ରହକାରୀ ଡାକ୍ତର ମହେଶ୍ୱର ବିଶ୍ୱାଳ , ଓ ସ୍ଥାନୀୟ ଯୁବକ ସିଦ୍ଧାର୍ଥ ବିଶ୍ୱାଳ , ଅମରେନ୍ଦ୍ର ସ୍ୱାଇଁ ଯୋଗଦାନ ପୂର୍ବକ କାର୍ଯ୍ୟକ୍ରମ କୁ ସହଯୋଗ କରିଥିଲେ। ପୂର୍ବରୁ ୪୨୦ ୟୁନିଟ ରକ୍ତ ସଂଗ୍ରହ କରାଯାଇଥିଲା, ଆଜିର ସାରକୋଣା ପଞ୍ଚାୟତର ସଂଗ୍ରହ ହୋଇଥିବା ୬୪ ୟୁନିଟ କୁ ମିଶାଇ ସମୁଦାୟ ୪୮୪ ୟୁନିଟ ରକ୍ତ ସଂଗ୍ରହ କରାଯାଇଅଛି। ମହାମାରୀରେ ଆକ୍ରାନ୍ତ ଙ୍କ ସଂଖ୍ୟା ବଢ଼ିବାର ଦେଖି ବିଗତ କିଛି ଦିନ ହେବ ଆରମ୍ଭ ହୋଇଥିବା ଜୀବନ ବିନ୍ଦୁ କାର୍ଯ୍ୟକ୍ରମ ଆଗାମୀ ଦିନରେ ମହାମାରୀରେ ଆକ୍ରାନ୍ତ ବ୍ୟକ୍ତିଙ୍କୁ ସଂଜୀବନୀ ଯୋଗାଇବାରେ ସହଯୋଗ ହେବ ବୋଲି ମନ୍ତ୍ରୀ ନିଜ ମତ ଉପସ୍ଥାପନ କରିଛନ୍ତି I
-
-
-
-
-
-
-
-
-
-
