ସତ୍ୟଶିଖା( ନୂଆଦିଲ୍ଲୀ )୦୧.୦୬. ୨୦୨୨ : ଦେଶରେ ଆଜି ବି ଅଢ଼େଇ ହଜାର ଉପରେ ରହିଛି ଦୈନିକ କରୋନା ସଂକ୍ରମଣ । ଗତ କିଛି ଦିନ ହେବ ଦେଶରେ କରୋନା ସଂକ୍ରମଣ ଅଢ଼େଇ ହଜାର ପାର କରୁଥିବା ବେଳେ ଗତ ୨୪ ଘଣ୍ଟାରେ ଦେଶରେ ଆଉ ୨ହଜାର ୭୪୫ କରୋନା ଆକ୍ରାନ୍ତ ଚିହ୍ନଟ ହୋଇଛନ୍ତି । ସେହିପରି କରୋନାରୁ ଗୋଟିଏ ଦିନରେ ୨ହଜାର ୨୩୬ଜଣ ସଂକ୍ରମିତ ସୁସ୍ଥ ହୋଇଛନ୍ତି । ଏବେ ବି କରୋନା ଯୋଗୁ ଲୋକଙ୍କ ମୃତ୍ୟୁ ହେଉଛି । ଦେଶରେ କରୋନା ଯୋଗୁ ଆଉ ୬ ଜଣ ଆକ୍ରାନ୍ତଙ୍କ ମୃତ୍ୟୁ ହୋଇଥିବା ସୂଚନା ଦିଆଯାଇଛି । ଅନ୍ୟପଟେ ଦେଶରେ ଦୈନିକ ସଂକ୍ରମଣ ତୁଳନାରେ ପଜିଟିଭିଟି ହାର ୦.୬୦ ପ୍ରତିଶତ ରହିଛି । ଆଜିର ଚିହ୍ନଟ ଆକ୍ରାନ୍ତଙ୍କୁ ମିଶାଇ ଦେଶରେ ମୋଟ୍ ୧୮,୩୮୬ ସକ୍ରିୟ ଆକ୍ରାନ୍ତ ରହିଛନ୍ତି । ଦେଶରେ ଏଯାଏ କରୋନା ଯୋଗୁ ମୋଟ୍ ୫ଲକ୍ଷ ୨୪ ହଜାର ୬୩୬ଜଣଙ୍କ ମୃତ୍ୟୁ ହୋଇଥିବା ବେଳେ କରୋନାରୁ ଦେଶରେ ମୋଟ୍ ସୁସ୍ଥ ହେଲେଣି ୪,୨୬,୧୭,୮୧୦ ସଂକ୍ରମିତ । କରୋନାକୁ ମାତ୍ ଦେବାକୁ ଦେଶରେ ଏବେ ବି ଟିକାକରଣ କରାଯାଉଛି । ଦେଶରେ ମୋଟ୍ ୧୯୩.୫୭କୋଟି ଡୋଜ୍ ଟିକା ଦିଆସରିଲାଣି ।
