ସତ୍ୟଶିଖା(ଭୁବନେଶ୍ୱର) ୨୯.୦୪.୨୦୨୧: କରୋନା ମହାମାରୀର ଦ୍ଵିତୀୟ ଲହରରେ ପୂରା ଦେଶ ସାଙ୍ଘାତିକ ଭାବେ ପ୍ରଭାବିତ। ଏଥର କରୋନା ଭାଇରସ୍ ସିଧା ଆପଣଙ୍କ ଫୁସ୍ଫୁସ୍କୁ ଆକ୍ରମଣ କରୁଛି। କରୋନା ଲକ୍ଷଣ ପୂର୍ବରୁ ଲୋକଙ୍କ ୨୫ ପ୍ରତିଶତ ଫୁସ୍ଫୁସ୍ ପ୍ରଭାବିତ ହୋଇ ଯାଉଥିବା ଅନେକ ମାମଲା ଦେଖିବାକୁ ମିଳିଛି। କିନ୍ତୁ କିଛି ଘରୋଇ ଉପାୟ ଏବଂ ସଠିକ୍ ସମୟରେ ଡାକ୍ତରଙ୍କ ପରାମର୍ଶରେ ଆପଣ ନିଜ ଫୁସ୍ଫୁସ୍କୁ ସୁରକ୍ଷିତ ରଖି ପାରିବେ। ଆସନ୍ତୁ ଜାଣିବା କେଉଁ ପ୍ରକ୍ରିୟାରେ ଆମେ ନିଜ ନିଜର ଫୁସ୍ଫୁସ୍କୁ ମଜବୁତ ରଖି ପାରିବା।
ଆପଣାନ୍ତୁ ଏହି ଘରୋଇ ଉପାୟ:
– ଗରମ ପାଣିର ବାମ୍ଫ ଦିନରେ ତିନି ଚାରି ଥର ନିଅନ୍ତୁ। ପାଣିରେ ଯଦି କର୍ପୁର ଦେଇ ପାରିବେ ତେବେ ବହୁତ ଭଲ।
– ନଖ ଉଷୁମ ପାଣିରେ ଲେମ୍ବୁ ପକାଇ ପାଣି ପିଅନ୍ତୁ। ଯଦି ଲେମ୍ବୁ ନାହିଁ ତେବେ ଗରମ ପାଣି ସେବନରେ ମଧ୍ୟ ଫୁସ୍ଫୁସ୍ ସଂକ୍ରମଣରୁ ରକ୍ଷା ପାଇ ପାରିବ।
– ଥଣ୍ଡା ପାଣିର ସେବନ କଦାପି କରନ୍ତୁ ନାହିଁ। ଫଳମୂଳରେ କମଳା, ସେଓ ଖାଇବା ସହ ନଡିଆ ପାଣି ପିଅନ୍ତୁ।
ଏହି ଉପାୟରେ ଫୁସ୍ଫୁସ୍କୁ ରଖନ୍ତୁ ମଜବୁତ
– ସକାଳୁ ଉଠି ବାୟାମ କରନ୍ତୁ କରନ୍ତୁ।
– ସିଡି ଚଢନ୍ତୁ, ଓହ୍ଲାନ୍ତୁ।
– ଦୀର୍ଘ ନିଃଶ୍ଵାସ ନେଇ ପେଟ ଫୁଲାନ୍ତୁ ଏବଂ ଛାଡନ୍ତୁ।
ଲକ୍ଷଣ ଦେଖିଲେ ଏହା କରନ୍ତୁ
– ସର୍ବ ପ୍ରଥମେ ଚିନ୍ତା କରନ୍ତୁ ନାହିଁ। ଡାକ୍ତରଙ୍କ ପରାମର୍ଶ ନିଅନ୍ତୁ।
– ନିଜ ଫୁସ୍ଫୁସ୍ର ସିଟି ସ୍କାନ କରାନ୍ତୁ।
– ପ୍ରତି ଅଧା ଘଣ୍ଟାରେ ଅକ୍ସି ମିଟରରେ ନିଜ ଅକ୍ସିଜେନ୍ ସ୍ତର ଚେକ୍ କରନ୍ତୁ।
– ପରିବାରର ଅନ୍ୟ ଲୋକଙ୍କଠୁ ଦୂରେଇ ରୁହନ୍ତୁ। ନିଜକୁ ଅନ୍ୟ କାହାରି ସଂପର୍କରେ ଆଣିବାକୁ ଦିଅନ୍ତୁ ନାହିଁ।
– ଖାଲି ପେଟରେ କଦାପି ରୁହନ୍ତୁ ନାହିଁ। ଖାଲି ପେଟରେ ରହିଲେ ଭାଇରସ୍ ଆପଣଙ୍କ ଶରୀରକୁ ଅଧିକ ପ୍ରଭାବିତ କରି ପାରେ।
