ସତ୍ୟଶିଖା ୦୮/୦୧/୨୦୨୧ : ଆଜି ଜୁଭେନାଇଲ୍ ଜଷ୍ଟିସ୍ ବୋର୍ଡରେ ହାଜର ହେଲା ନୟାଗଡ ନାବାଳିକା ପରୀ ହତ୍ୟାକାଣ୍ଡ ଘଟଣାର ଅଭିଯୁକ୍ତ । ସେଥିପାଇଁ ତାକୁ ଅନୁଗୁଳ ଜୁଭେନାଇଲ ଜେଲରୁ ନୟାଗଡ଼ ଜୁଭେନାଇଲ୍ ଜଷ୍ଟିସ୍ ବୋର୍ଡକୁ ନିଆଯାଇଛି । କଡା ସୁରକ୍ଷା ବଳୟ ଭିତରେ ଅନୁଗୁଳ ବାଳ ସୁଧାର ଗୃହରୁ ଅଭିଯୁକ୍ତକୁ ନୟାଗଡ ନିଆଯାଇଛି । ଅଭିଯୁକ୍ତର ନାର୍କୋଟିକ୍ ଟେଷ୍ଟ ପାଇଁ ଏସ୍ଆଇଟି ପକ୍ଷରୁ ହୋଇଥିବା ଆବେଦନ ଉପରେ ଆଜି ବିଚାର କରାଯିବ । ଗତ ବୁଧବାର କୋର୍ଟ ଅଭିଯୁକ୍ତକୁ ନାବାଳକ ଦର୍ଶାଇବା ପରେ ରାତିରେ ଅଭିଯୁକ୍ତକୁ ନୟାଗଡ଼ରୁ ଅନୁଗୁଳ ଜୁଭେନାଇଲ ଜେଲକୁ ଅଣା ଯାଇଥିଲା ।
