ବାଖରକଟାରେ ଝାଡ଼ାବାନ୍ତି ଘଟଣା : ଆକ୍ରାନ୍ତଙ୍କ ସଂଖ୍ୟା ୬୩ରେ ପହଞ୍ଚିଲା

ସତ୍ୟଶିଖା( ଭୁବନେଶ୍ୱର )୦୮.୦୪.୨୦୨୨ : ଧରାକୋଟ ବ୍ଲକ୍ ଅନ୍ତର୍ଗତ ବାହାରପୁର ପଞ୍ଚାୟତ ଅଧିନସ୍ଥ ବାଖରକଟା ଗ୍ରାମରେ ଝାଡାବାନ୍ତି ଥମିବାର ନାଁ ନେଉନି । ସ୍ଥିତି ନିୟନ୍ତ୍ରଣାଧିନ ରହିଥିଲେ ବି ଆଜି ପୁଣି ୩ ଜଣ ଆକ୍ରାନ୍ତ ହୋଇଥିବା ଜଣାପଡିଛି । ମୋଟ ଆକ୍ରାନ୍ତଙ୍କ ସଂଖ୍ୟା ୬୩ରେ ପହଞ୍ôଚଥିବା ନେଇ ଜଣାପଡିଛି । ଗଦ ଦୁଇଦିନ ଧରି ଝାଡ଼ାବାନ୍ତିରେ ଆକ୍ରାନ୍ତଙ୍କ ମଧ୍ୟରୁ ଏବେବି ବହୁ ବ୍ୟକ୍ତି ଚିକିତ୍ସାଧିନ ଥିବା ଜଣାପଡିଛି । ଏହି ରୋଗ ଧିରେ ଧିରେ ବାହାରପୁର, ସରପଡ଼ା ଏବଂ ଓଲାମ୍ବା ଗ୍ରାମକୁ ବ୍ୟାପିଥିବା ଜଣାପଡିଛି । ଆଜି ଜିଲ୍ଲା ମୁଖ୍ୟ ଚିକିତ୍ସାଧିକାରୀ ରମାକାନ୍ତ ମିଶ୍ର ଡାକ୍ତରୀଦଳ ସହ ବାଖରକଟା ଗ୍ରାମ ପରିଦର୍ଶନ କରିଥିଲେ । ଏ ସମ୍ପର୍କରେ ସିଡିଏମ୍‌ଓ ଶ୍ରୀ ମିଶ୍ରଙ୍କ ସହ ଯୋଗାଯୋଗ ବେଳେ ନିକଟରେ ଯାଇଥିବା ନାଳ ପାଣିରୁ ହିଁ ଏହି ରୋଗ ବ୍ୟାପିଥିବା ଆଶଙ୍କା କରିଛନ୍ତି । ସଂପ୍ରତି ଚୈତ୍ର ମାସରେ ମା’ ଦଣ୍ଡକାଳୀଙ୍କ ପର୍ବ ଗାଆଁ ଗାଆଁରେ ଚାଲିଥିବା ବେଳେ ଦୂଷିତ ପଣା ଓ ଭୋଗ ଖାଇ ଏହି ରୋଗ ବ୍ୟାପିଥିବା ଅନୁମାନ କରାଯାଉଛି । ଏଣୁ ଗାଁ ଗାଁରେ ସଚେତନ କାର୍ଯ୍ୟକ୍ରମ କରାଯାଉଛି । ଅନ୍ୟପକ୍ଷରେ ରୋଗରେ ଆକ୍ରାନ୍ତ ବ୍ୟକ୍ତି ସୁସ୍ଥ ହେବା ପାଇଁ ପୂଜା ପାଠ, ଝଡାଫୁଙ୍କାକୁ ଆପଣାଉଥିବା ଚର୍ଚ୍ଚା ହେଉଛି । ତେଣୁ ରୋଗୀଙ୍କୁ ସ୍ୱାସ୍ଥ୍ୟ କେନ୍ଦ୍ର ମୁଖୀ କରିବା ପାଇଁ ପ୍ରଶାସନ ପକ୍ଷରୁ ସଚେତନତା କାର୍ଯ୍ୟକ୍ରମକୁ ବ୍ୟାପକ କରିବାକୁ ସାଧାରଣରେ ଦାବି ହେଉଛି ।