ସତ୍ୟଶିଖା (ବାଲିକୁଦା) ୨୦/୧୧/୨୦୨୦ : ସ୍ୱାମୀ, ନାତି-ନାତୁଣୀଙ୍କୁ ଛାଡି ପ୍ରେମିକ ସହ ଜେଜେ ମାଆ ଫେରାର । ଏହି ଘଟଣାକୁ ନେଇ ସ୍ଥାନୀୟ ଅଞ୍ଚଳରେ ଚର୍ଚ୍ଚା ଲାଗି ରହିଛି। ପ୍ରେମିକ ଝିଅ ବାହାଘର କରି ନାତି, ନାତୁଣୀ ମୁହଁ ଦେଖିଲେଣି। ପ୍ରେମିକା ମଧ୍ୟ ଝିଅ-ପୁଅ ବାହାଘର କରି ନାତି-ନାତୁଣୀ ଦେଖି ସାରିଲେଣି। ତାଙ୍କ ବି ପୁଅ ବାହାର ଜିଲ୍ଲାରେ କୌଣସି ଏକ ଘରୋଇ ସଂସ୍ଥାରେ ଚାକିରି କରୁଥିବା ବେଳେ ଝିଅ କଲେଜ ଛାତ୍ରୀ ।
ଏପରି ସ୍ଥଳେ ସେମାନେ ପ୍ରେମ ଜାଲରେ ବାନ୍ଧି ହୋଇ ନିଜ ପ୍ରେମକୁ ସାକାର କରିବା ଲାଗି ଉଭୟ ଘର ଛାଡ଼ି ଅନ୍ୟତ୍ର ଚାଲିଯିବାକୁ ନେଇ ବଜାର ଘାଟରେ ଅନେକ ଚର୍ଚ୍ଚା ଚାଲିଛି । ଏପରି ଘଟଣା ବାଲିକୁଦା ଥାନା କୃଷ୍ଣଦାସପୁର ଅଞ୍ଚଳରେ ଘଟିଛି । ଗୋଟିଏ ପଟେ ବାଲିକୁଦା ବ୍ଲକର ଜଣେ ଜିଆରଏସ ନିଜ ପରିବାର ଓ ପିଲା ଛୁଆଙ୍କୁ ଛାଡ଼ି ସ୍ଥାନୀୟ ଏକ ହସ୍ପିଟାଲର କର୍ମଚାରୀଙ୍କ ପତ୍ନୀକୁ ନେଇ ଫେରାର ହୋଇଯିବା ଘଟଣା ଉପରୁ ଲୋକ ମାନଙ୍କ ନଜର ନ ହଟୁଣୁ କୃଷ୍ଣଦାସପୁର ଅଞ୍ଚଳର ଏହି ଘଟଣା ଲୋକଙ୍କ ମନରେ ଭିନ୍ନ ଧାରଣା ସୃଷ୍ଟି କରିଛି। ସୂଚନା ମୁତାବକ ଗତ କିଛି ଦିନ ହେବ ସେମାନେ ଘରୁ ଚାଲି ଯାଇଛନ୍ତି । ପ୍ରେମିକା ଜଣକ ମହିଳା ସ୍ୱୟଂ ସହାୟିକା ଗୋଷ୍ଠୀ ଠାରୁ କିଛି ଟଙ୍କା ନେଇ ଫେରାର ହୋଇଥିବା ଜାଣିବାକୁ ମିଳିଛି ।
