ସତ୍ୟଶିଖା ( ଜାମ୍ମୁ କାଶ୍ମୀର ) ୦୬.୦୮.୨୦୨୦ : ଜାମ୍ମୁ କାଶ୍ମୀର ଗଭର୍ଣ୍ଣର ଗିରିଶ ଚନ୍ଦ୍ର ମୁର୍ମୁ ତାଙ୍କ ପଦରୁ ଇସ୍ତଫା ଦେଇଛନ୍ତି । ସେ ବୁଧବାର କେନ୍ଦ୍ର ସରକାରଙ୍କୁ ତାଙ୍କ ଇସ୍ତଫା ପତ୍ର ପଠାଇଛନ୍ତି । ସୂଚନାନୁସାରେ, ଜିସି ମୁର୍ମୁ ବୁଧବାର ସନ୍ଧ୍ୟାରେ ତାଙ୍କ ଇସ୍ତଫା ପତ୍ର ପଠାଇଛନ୍ତି । ଜିସି ମୁର୍ମୁ ବର୍ତ୍ତମାନ ଜାମ୍ମୁରେ ଅଛନ୍ତି ଏବଂ ଆଜି ଦିଲ୍ଲୀ ଯିବେ ।
ଜିସି ମୁର୍ମୁ ଅକ୍ଟୋବର 31, 2019 ରେ ଜାମ୍ମୁ କାଶ୍ମୀରର ପ୍ରଥମ LG ଭାବରେ ଦାୟିତ୍ୱ ଗ୍ରହଣ କରିଥିଲେ । ସେ ଗୁଜୁରାଟ କ୍ୟାଡରର 1985 ବ୍ୟାଚ୍ IAS ଅଧିକାରୀ । ଯେତେବେଳେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଗୁଜୁରାଟର ମୁଖ୍ୟମନ୍ତ୍ରୀ ଥିଲେ, ଜିସି ମୁର୍ମୁ ତାଙ୍କର ମୁଖ୍ୟ ସଚିବ ଥିଲେ । ଏଠି କହିରଖୁଛୁ ଯେ ଜାମ୍ମୁ କାଶ୍ମୀର 31 ଅକ୍ଟୋବରରେ ଏକ କେନ୍ଦ୍ର ଶାସିତ ପ୍ରଦେଶ ହୋଇଗଲା । ଗିରିଶ ଚନ୍ଦ୍ର ମୁର୍ମୁ ଏହାର ପ୍ରଥମ ଉପ- ରାଜ୍ୟପାଳ ହୋଇଥିଲେ ।
