ସତ୍ୟଶିଖା( ନୂଆଦିଲ୍ଲୀ )୧୮.୦୭ . ୨୦୨୨: ଉପରାଷ୍ଟ୍ରପତି ପ୍ରାର୍ଥୀ ଭାବେ ଜଗଦୀପ ଧନଖଡଙ୍କ ନାମାଙ୍କନ । ଏନଡିଏ ପ୍ରାର୍ଥୀ ଭାବେ ନାମାଙ୍କନ ଦାଖଲ କଲେ ଜଗଦୀପ ଧନଖଡ । ପ୍ରଧାନମନ୍ତ୍ରୀ ମୋଦୀ , ବିଜେପି ଅଧ୍ୟକ୍ଷ ଜେପି ନଡ୍ଡା ପ୍ରମୁଖ ଉପସ୍ଥିତ । କେନ୍ଦ୍ରମନ୍ତ୍ରୀ ଅମିତଶାହା , ରାଜନାଥ ସିଂହ, ନୀତିନ ଗଡକରୀ ମଧ୍ୟ ଉପସ୍ଥିତ ରହିଛନ୍ତି । ୨୦୧୯ ଜୁଲାଇ ୨୦ ରେ ପଶ୍ଚିମବଙ୍ଗ ରାଜ୍ୟପାଳ ଭାବେ ଦାୟିତ୍ୱଗ୍ରହଣ କରିଥିଲେ । ରାଜନୀତିରେ ପାଦ ଦେବା ଆଗରୁ ପ୍ରତିଷ୍ଠିତ ଆଇନଜୀବୀ ଥିଲେ । ୧୯୭୯-୮୯ ରେ ସୁପ୍ରିମକୋର୍ଟ ଓ ବିଭିନ୍ନ ହାଇକୋର୍ଟରେ ଓକିଲାତି ଭାବେ କାର୍ଯ୍ୟ କରିଛନ୍ତି । ୧୯୮୯ ରେ ଝୁନ୍ଝୁନ୍ ନିର୍ବାଚନ ମଣ୍ଡଳୀରୁ ସାଂସଦ ଭାବେ ନିର୍ବାଚିତ ହୋଇଥିଲେ । ୧୯୯୦ ରେ ପାର୍ଲାମେଣ୍ଟାରି କମିଟି ଚେୟାରମ୍ୟାନ ଓ କେନ୍ଦ୍ରମନ୍ତ୍ରୀ ଥିଲେ । ୧୯୯୩ ରୁ ୧୯୯୮ ଯାଏଁ ରାଜସ୍ଥାନ କିଶନଗଡ ଆସନରୁ ବିଧାୟକ ଭାବେ ନିର୍ବାଚିତ ହୋଇଥିଲେ । ୧୯୫୧ ମସିହା ମେ ୧୮ ରେ ରାଜସ୍ଥାନର ଝୁନଝୁନ ଜିଲ୍ଲାରେ ଜନ୍ମ ହୋଇଥିଲେ ଜଗଦୀପ ଧନଖଡ ।
