ସତ୍ୟଶିଖା( ଭୁବନେଶ୍ୱର )୧୧.୦୨.୨୦୨୨ : ବିଧାନ ପରିଷଦ ପ୍ରସ୍ତାବ କେନ୍ଦ୍ର ସରକାର ପାଇନଥିବା କହିବା ପରେ ରାଜ୍ୟ ସରକାରଙ୍କୁ ଲାଗିଛି ବଡ ଝଟକା । ବିଧାନ ପରିଷଦ ସଂକଳ୍ପ ସଂପର୍କିତ ପ୍ରସ୍ତାବ କେନ୍ଦ୍ର ପାଇନଥିବା ଉତ୍ତର ପ୍ରସଙ୍ଗରେ ଚିଠି ନପାଇବା କହିବା ଦୁଃଖ ଲାଗୁଛି ଓ ଚକିତ କରିଛି ବୋଲି ବାଚସ୍ପତି ସୂର୍ଯ୍ୟ ନାରାୟଣ ପାତ୍ର କହିଛନ୍ତି । ସଂକଳ୍ପ ପାରିତ ପରେ ୨୦୧୮ ସେପ୍ଟେମ୍ବର ୧୮ରେ କେନ୍ଦ୍ରକୁ ପଠାଯାଇଛି । ଲୋକସଭା, ରାଜ୍ୟସଭା, ସଂସଦୀୟ ବ୍ୟାପାର ଓ ଆଇନ ସଚିବଙ୍କୁ ପଠାଯାଇଛି । ତେବେ ଚିଠି ନପାଇବା କହିବା ଦୁଃଖ ଲାଗୁଛି ଓ ଚକିତ କରିଛି ।
୫ ସେପ୍ଟମ୍ବର ୨୦୧୮ ରେ ଆସିଥିଲା ବିଧାନ ପରିଷଦ ବିଲ । ୬ ସେପ୍ଟେମ୍ବର ୨୦୧୮ ଭୋଟିଂ ହୋଇଥିଲା। ଏହା ପରେ ପ୍ରସ୍ତାବ ଟି ପାରିତ ହୋଇଥିଲା। ସେହି ସମୟରେ ୧୦୪ ବିଧାୟକ ଉପସ୍ଥିତ ଥିଲେ । ହେଲେ କେହି ବିରୋଧ କରିନଥିଲେ । ୧୮ ସେପ୍ଟମ୍ବର ୨୦୧୮ରେ ଏହି ଚିଠା ପ୍ରସ୍ତାବର କପି ଦିଲ୍ଲୀ ପଠାଯାଇଥିଲା । ତା ପରେ କେନ୍ଦ୍ର ସରକାରଙ୍କୁ ବାରମ୍ବାର ଜଣାଇଦିଆଯାଇଛି । ଲୋକସଭା ରାଜ୍ୟସଭା ମନ୍ତ୍ରୀ ଓ ଅଧିକାରୀ ପାଖରେ ଥିବାବେଳେ କେମିତି ଆଇନ ମନ୍ତ୍ରୀ ସଂସଦରେ ଏମିତି ଉତ୍ତର ରଖିଲେ ଆଶ୍ଚର୍ଯ୍ୟ ଲାଗୁଛି ।
