ସତ୍ୟଶିଖା ( ଭୁବନେଶ୍ୱର ) ୦୮ /୦୯ /୨୦୨୧: ପ୍ରାୟତଃ ମହିଳା ଓ ଯୁବତୀ ମାନେ ମେକଅପ ନେବାକୁ ପସନ୍ଦ କରିଥାଆନ୍ତି । ଏମିତିବି କିଛି ଲୋକ ଅଛନ୍ତି, ଯେଉଁମାନେ ପ୍ରତିଦିନ ମେକଅପ ନେଇ ଥାଆନ୍ତି । ତେବେ ମେକଅପ ନେବା ପୂର୍ବରୁ କେଉଁ ଦିଗ ପ୍ରତି ବିଶେଷ ଦୃଷ୍ଟି ଦେବା ଆବଶ୍ୟକ ଆସନ୍ତୁ ଜାଣିବା ।
-ଯେକୌଣସି ମେକଅପ କିଣିବା ପୂର୍ବରୁ ପ୍ରଥମେ ପ୍ରଡକ୍ଟର କେଉଁ ଡେଟ ଯାଏଁ ବ୍ୟବହାର ଉପଯୋଗୀ ହୋଇ ପାରିବ, ସେଥିପ୍ରତି ବିଶେଷ ଦୃଷ୍ଟି ଦେବା ଉଚିତ୍ । ଏହାପରେ ଏହା ଆପଣଙ୍କ ତ୍ବଚାକୁ ସୁଟ କରୁଛି କି ନାହିଁ ସେଥିପ୍ରତି ମଧ୍ୟ ଧ୍ୟାନ ଦେବା ଉଚିତ୍ । ନଚେତ୍ ଏହା ଆପଣଙ୍କୁ ଅସୁବିଧାରେ ପକାଇ ପାରେ ।
-ନିଜେ ବ୍ୟବହାର କରୁଥିବା ମେକଅପ୍ ପ୍ରଡକ୍ଟ କାହାସହ ସେୟାର କରିବା ଅନୁଚିତ୍ । ନଚେତ୍ ବିଭିନ୍ନ ପ୍ରକାରର ଆଲର୍ଜି ହେବାର ସମ୍ଭାବନା ରହିଥାଏ ।
-ମେକଅପ ପାଇଁ ବ୍ୟବହାର କରୁଥିବା ବିଭିନ୍ନ ପ୍ରକାରର ବ୍ରଶ, ତୁଳୀ, ପପ ଆଦିକୁ ୨ ରୁ ୩ ଦିନରେ ସଫା କରିବା ଉଚିତ୍ । ସଫା ନକରି ଦୀର୍ଘଦିନ ଯାଏଁ ତାହା ବ୍ୟବହାର କରିବା ଦ୍ବାରା, ତ୍ବଚା ପ୍ରତି କ୍ଷତିକାରକ ସାଜିପାରେ ।
-ସବୁବେଳେ ମେକଅପ ନେବା ପୂର୍ବରୁ, ତ୍ବଚାକୁ ଭଲଭାବେ ସଫା କରି ମେକଅପ ନେବା ଉଚିତ୍ ।
