ସତ୍ୟଶିଖା(ଭୁବନେଶ୍ୱର )୨୯.୧୦ .୨୦୨୧: କେନ୍ଦ୍ର ଶିକ୍ଷା ମନ୍ତ୍ରଣାଳୟ ପକ୍ଷରୁ ଇଣ୍ଟିଗ୍ରେଟେଡ୍ ବିଏଡ୍ ପାଠ୍ୟକ୍ରମ ଆରମ୍ଭ କରାଯିବ । ଏଥିପାଇଁ ଶିକ୍ଷା ମନ୍ତ୍ରଣାଳୟ ସବୁଜ ସଙ୍କେତ ଦେଇଛି । ୨୦୩୦ ସୁଦ୍ଧା ଶିକ୍ଷକ ନିଯୁକ୍ତି କ୍ଷେତ୍ରରେ ଇଣ୍ଟିଗ୍ରେଟେଡ୍ ବିଏଡ୍କୁ ପ୍ରାଥମିକତା ଦିଆଯିବ ବୋଲି ଶିକ୍ଷା ମନ୍ତ୍ରଣାଳୟ ସ୍ପଷ୍ଟ କରିଛି ।
କେନ୍ଦ୍ର ଶିକ୍ଷା ମନ୍ତ୍ରଣାଳୟ କଳା ବାଣିଜ୍ୟ ଓ ବିଜ୍ଞାନରେ ଇଣ୍ଟିଗ୍ରେଡେଟ ବିଏଡ଼ ଖୋଲିବା ପାଇଁ ଘୋଷଣା କରିଛନ୍ତି । ଆଶାୟୀ ଛାତ୍ରଛାତ୍ରୀ ସିଧାସଳଖ ଦ୍ଵାଦଶ ପରେ ଏଥିରେ ନାମ ଲେଖାଇ ପାରିବେ । ଏନସିଟିଇ ପକ୍ଷରୁ ଏହାକୁ ଅନୁମୋଦନ ମିଳିଥିବାବେଳେ ନୂତନ ଶିକ୍ଷାନୀତିକୁ କାର୍ୟ୍ୟକାରୀ କରିବାରେ ଏହା ଏକ ମାଇଲଖୁଣ୍ଟ ହେବ ବୋଲି ଏନସିଟିଇ କର୍ତ୍ତୃପକ୍ଷ କହିଛନ୍ତି । କେନ୍ଦ୍ର ଶିକ୍ଷା ମନ୍ତ୍ରଣାଳୟ ପକ୍ଷରୁ ପ୍ରାଥମିକ ଭାବରେ ୫୦ଟି ଶିକ୍ଷା ଅନୁଷ୍ଠାନରେ ଏହା ଆରମ୍ଭ କରାଯିବ ।
