ସତ୍ୟଶିଖା( ନୂଆଦିଲ୍ଲୀ )୨୪.୦୫.୨୦୨୨ : ରାଷ୍ଟ୍ରିୟ ପଛୁଆ ବର୍ଗ ମୋର୍ଚ୍ଚା ଓଡ଼ିଶା ପକ୍ଷରୁ ଭାରତ ସରକାରଙ୍କ ଓବିସିମାନଙ୍କ ଜାତି ଅଧାରିତ ଜନଗଣନା ନକରାଯିବା ବିରୋଧରେ ୨୫ ମେ’ ଅର୍ଥାତ୍ ଆସନ୍ତାକାଲି ଭାରତ ବନ୍ଦ ଡାକରା ଦିଆଯାଇଛି । ଉତ୍ତରପ୍ରଦେଶରେ ବାହୁଜନ ମୁକ୍ତି ପାର୍ଟି (ବିଏମପି) ସାହାରନପୁର ଜିଲ୍ଲା ସଭାପତି ନୀରଜ ଧିମାନ କହିଛନ୍ତି ଯେ, ଅନ୍ୟ ପଛୁଆ ଜାତିଗୁଡ଼ିକର ସ୍ୱତନ୍ତ୍ର ଜାତିଭିତ୍ତିକ ଜନଗଣନା କରିବାକୁ କେନ୍ଦ୍ର ସରକାର ମନା କରିଛନ୍ତି । ନିର୍ବାଚନରେ ଇଭିଏମ୍ ବ୍ୟବହାର ଏବଂ ବେସରକାରୀ କ୍ଷେତ୍ରରେ SC / ST / OBC ପାଇଁ ସଂରକ୍ଷଣର କାର୍ଯ୍ୟାନ୍ୱୟନକୁ ନେଇ ମଧ୍ୟ ସମସ୍ୟା ସୃଷ୍ଟି କରିଛନ୍ତି ।
ବିଏମପି ମୁଖ୍ୟ ନୀରଜ ଧିମାନଙ୍କ ମତରେ, ନିର୍ବାଚନ ଇଭିଏମରେ ଜଡ଼ିତ ଗଡ଼ବଡ଼ି ବ୍ୟତୀତ ବେସରକାରୀ କ୍ଷେତ୍ରରେ SC,ST OBC ପାଇଁ ସଂରକ୍ଷଣ ଲାଗୁ ନକରିବା କାରଣରୁ ଭାରତ ବନ୍ଦ ଡାକରା ଦେଉଛୁ । ଏଥିପାଇଁ ବହୁଜନ ମୁକ୍ତି ପାର୍ଟି ଓ ବିଏମଏମସିଇଏଫ୍ ଏକାଠି ହୋଇ କାମ କରୁଛି । ଏହା ବ୍ୟତୀତ ଆମକୁ ଚବହୁଜନ କ୍ରାନ୍ତି ମୋର୍ଚ୍ଚାର ବି ସମର୍ଥନ ମିଳିଛି ।
