“ଭାରତୀୟ ଭୂମିକମ୍ପ ସହାୟତା ବିମାନ ମାଧ୍ୟମରେ କାବୁଲରେ ପହଞ୍ଚିଛି।

ସତ୍ୟଶିଖା ୦୪/୦୯/୨୦୨୫: ଆଫଗାନିସ୍ତାନର ଏହି ଦୁଃଖର ମୁହୂର୍ତ୍ତରେ ଭାରତ ଏକ ପ୍ରକୃତ ବନ୍ଧୁ ଭାବରେ ଆଗକୁ ଆସିଛି। ବୈଦେଶିକ ମନ୍ତ୍ରୀ ଏସ. ଜୟଶଙ୍କର ମଙ୍ଗଳବାର କହିଛନ୍ତି ଯେ ଶନିବାର ପୂର୍ବ ଆଫଗାନିସ୍ତାନରେ ହୋଇଥିବା ଭୟଙ୍କର ଭୂମିକମ୍ପ ପରେ ଭାରତ କାବୁଲକୁ ୨୧ ଟନ୍ ମାନବୀୟ ସହାୟତା ଯୋଗାଇ ଦେଇଛି।

ଭାରତ ସବୁବେଳେ ପଡ଼ୋଶୀମାନଙ୍କୁ ସାହାଯ୍ୟ କରିବାରେ ଆଗରେ ରହିଛି। କେବଳ ନେପାଳ, ବାଂଲାଦେଶ, ମାଳଦ୍ୱୀପ ନୁହେଁ ବରଂ ସୀମା ଠାରୁ ଦୂରରେ ଅବସ୍ଥିତ ତୁର୍କୀ, ପାଲେଷ୍ଟାଇନ ଇତ୍ୟାଦି ଦେଶ ଗୁଡ଼ିକୁ ମଧ୍ୟ ବିପର୍ଯ୍ୟୟରେ ସାହାଯ୍ୟ କରିଛି। ସେପ୍ଟେମ୍ବର ୧ରେ, ପୂର୍ବ ଆଫଗାନିସ୍ତାନର ନାଙ୍ଗରହାର ପ୍ରଦେଶରେ ଶକ୍ତିଶାଳୀ ଭୂମିକମ୍ପ ହୋଇଥିଲା। ଯାହା ଯୋଗୁଁ ଭୟଙ୍କର କ୍ଷୟକ୍ଷତି ଘଟାଇଛି, ଯେଉଁଥିରେ ୧୪୦୦ରୁ ଅଧିକ ଲୋକଙ୍କ ମୃତ୍ୟୁ ହୋଇଛି।

କମ୍ବଳ, ତମ୍ବୁ, ସ୍ୱାସ୍ଥ୍ୟ କିଟ୍, ଜଳ ସଂରକ୍ଷଣ ଟ୍ୟାଙ୍କ, ଜେନେରେଟର, ରୋଷେଇ ପାତ୍ର, ପୋର୍ଟେବଲ୍ ପାଣି ପ୍ୟୁରିଫାୟର୍, ସ୍ଲିପିଂ ବ୍ୟାଗ, ଅତ୍ୟାବଶ୍ୟକ ଔଷଧ, ହ୍ୱିଲଚେୟାର, ହ୍ୟାଣ୍ଡ ସାନିଟାଇଜର, ଜଳ ବିଶୋଧନ ଟାବଲେଟ୍, ORS ଏବଂ ଚିକିତ୍ସା ସାମଗ୍ରୀ ସମେତ ୨୧ ଟନ୍ ରିଲିଫ୍ ସାମଗ୍ରୀ ଆଜି ବିମାନ ମାଧ୍ୟମରେ ଯୋଗାଇ ଦିଆଯାଇଛି।  ଆଫଗାନିସ୍ତାନକୁ ଅଧିକ ସହାୟତା ଆବଶ୍ୟକ – ଜାତିସଂଘ । ସଂଯୁକ୍ତ ରାଷ୍ଟ୍ରର ମହାସଚିବ ପୂର୍ବ ଆଫଗାନିସ୍ତାନରେ ହୋଇଥିବା ଭୂମିକମ୍ପରୁ ବର୍ତ୍ତିଥିବା ଲୋକଙ୍କୁ ତୁରନ୍ତ ସହାୟତା ଯୋଗାଇବା ପାଇଁ ଅତିରିକ୍ତ ସମ୍ବଳ ପାଇଁ କହିଛନ୍ତି ଯେ ମାନବିକ ସହାୟତା ପାଣ୍ଠି ଆବଶ୍ୟକତା ପୂରଣ କରିବା ପାଇଁ ପର୍ଯ୍ୟାପ୍ତ ନୁହେଁ।