ସତ୍ୟଶିଖା (ଭୁବନେଶ୍ୱର)୦୬.୦୧.୨୦୨୨: ରାଜ୍ୟରେ କରୋନା ସଂକ୍ରମଣ ବୃଦ୍ଧି ପାଇଛି । ଏହାକୁ ନେଇ ପ୍ରତିକ୍ରିୟା ରଖିଛନ୍ତି ସ୍ୱତନ୍ତ୍ର ରିଲିଫ କମିଶନର ପ୍ରଦୀପ ଜେନା । ତେବେ ସଂକ୍ରମଣ ବୃଦ୍ଧି ହେଉଥିବାରୁ ନୂଆ ଗାଇଡଲାଇନ ଜାରି କରିଛନ୍ତି । ଏଣିକି ରାତି ୧୦ଟା ପରିବର୍ତ୍ତେ ରାତି ୯ଟାରୁ କର୍ଫ୍ୟୁ ଲାଗୁ କରାଯାଇଛି ।
ଆସନ୍ତା ଜାନୁଆରୀ ୯ତାରିଖରୁ ରାଜ୍ୟରେ ଏହି ନାଇଟ କର୍ଫ୍ୟୁ ଲାଗୁ ହେବ । ଏହାସହିତ ରାଜ୍ୟରେ କ୍ଲାସରୁମ ପାଠପଢା ବନ୍ଦ ରହିବ । ଦ୍ୱାଦଶ ଶ୍ରେଣୀ ଯାଏଁ ଜାରି ରହିଥିବା କ୍ଲାସ୍ ରୁମ୍ ପାଠପଢା ବନ୍ଦ ରହିବ । ପୂର୍ବପରି ଅନଲାଇନରେ ପାଠପଢା ଜାରି ରହିବ ।
ସେହିପରି ୫୦ ପ୍ରତିଶତ କର୍ମଚାରୀରେ ଚାଲିବ ସରକାରୀ ଅଫିସ୍ । ୧୦୦ ଲୋକଙ୍କୁ ନେଇ ବିବାହ କାର୍ଯ୍ୟ ଏବଂ ବ୍ରତଘର କାର୍ଯ୍ୟ ଚାଲୁରହିବ । ଏହାସହିତ ମାଟ୍ରିକ ସମେଟିଭ୍ ପରୀକ୍ଷା ଚାଲୁ ରହିବ । ରାଜ୍ୟରେ ହାଟ, ଦୋକାନ ବଜାରରେ ଥିବା ଦୋକାନ ବଜାର ମାଲିକମାନଙ୍କୁ କୋଭିଡ ଗାଇଡଲାଇନ ପାଳନ କରିବା ପାଇଁ ନିର୍ଦ୍ଦେଶ ଦିଆଯାଇଛି ।
