ମୁମ୍ବାଇ: ଦକ୍ଷିଣ ମୁମ୍ବାଇରେ ଥିବା ପାଞ୍ଚ ମହଲା ବିଶିଷ୍ଟ ଏକ ହୋଟେଲ ବୁଧବାର ବିଳମ୍ବିତ ରାତିରେ ଭୟଙ୍କର ଅଗ୍ନକାଣ୍ଡ ଘଟିଛି। ଅଗ୍ନିକାଣ୍ଡ ସମୟରେ ହୋଟେଲ ମଧ୍ୟରେ ଏକାଧିକ ଡାକ୍ତର ଫସି ରହିଥିଲେ। ଅଗ୍ନିଶମ ବାହୀନ ୨୫ ଜଣଙ୍କୁ ଉଦ୍ଧାର କରିଥିବା ବେଳେ ନିଆଁକୁ ଆୟତ୍ତ କରିଛି।
ମହାମାରୀ କରୋନା ଭାଇରସ ଯୋଗୁ ମୁମ୍ବାଇ ସାଂଘାତିକ ଭାବେ ପ୍ରଭାବିତ ହୋଇଛି। କରୋନା ରୋଗୀଙ୍କ ଚିକିତ୍ସା କରିବା କାର୍ଯ୍ୟରେ ନିୟୋଜିତ ସ୍ୱାସ୍ଥ୍ୟକର୍ମୀ ଓ ଡାକ୍ତରମାନଙ୍କୁ ସରକାରଙ୍କ ପକ୍ଷରୁ ବିଭିନ୍ନ ହୋଟେଲରେ ରଖାଯାଉଛି। ଏହି କ୍ରମରେ ୨୫ ଜଣ ଡାକ୍ତର ମେଟ୍ରୋ ସିନେମା ପାଖରେ ଥିବା ଫର୍ଚୁନ ହୋଟେଲରେ ରହୁଥିଲେ। ଗତକାଲି ରାଜି ପ୍ରାୟ ୨ଟା ପରେ ହଠାତ୍ ହୋଟେଲର ପ୍ରଥମ ମହଲାରେ ନିଆଁ ଲାଗିଯାଇଥିଲେ।
ଆହୁରି ପଢ଼ନ୍ତୁ
ଧୀରେଧୀରେ ଏହା ତୃତୀୟ ମହଲା ଯାଏ ବ୍ୟାପି ଯାଇଥିଲା। ଖବର ପାଇ ୮ଟି ଦମକଳ ଗାଡ଼ି ଘଟଣା ସ୍ଥଳରେ ପହଞ୍ଚି ନିଆଁକୁ ଆୟତ୍ତ କରିବାରେ ଲାଗିଥିଲେ।
ପ୍ରଥମେ ହୋଟେଲ ମଧ୍ୟରେ ରହିଥିବା ୨୫ ଜଣ ଡାକ୍ତରଙ୍କୁ ସୁରକ୍ଷିତ ଉଦ୍ଧାର କରାଯାଇଥିଲା। ସମସ୍ତେ ଏବେ ସୁସ୍ଥ ଥିବା ଅଗ୍ନିଶମ ବିଭାଗ ପକ୍ଷରୁ କୁହାଯାଇଛି। ଶର୍ଟ ସର୍କିଟ ଯୋଗୁ ଏପରି ଅଗ୍ନିକାଣ୍ଡ ଘଟିଥିବା ପ୍ରାଥମିକ ତଦନ୍ତରୁ ଜଣାପଡ଼ିଛି।
