ଦେଶରେ ଗୋଟିଏ ଦିନରେ ଆଉ ୧, ୧୯୨ ଆକ୍ରାନ୍ତଙ୍କ ମୃତ୍ୟୁ

ସତ୍ୟଶିଖା(ନୂଆଦିଲ୍ଲୀ )୦୧.୦୨.୨୦୨୨ : ଦେଶରେ ବଢ଼ୁଛି କରୋନା ଜନିତ ମୃତ୍ୟୁସଂଖ୍ୟା । ହେଲେ ସଂକ୍ରମଣ ଧୀରେ ଧୀରେ ହ୍ରାସ ପାଉଛି । ଗତ ୨୪ ଘଣ୍ଟାରେ ଦେଶରେ ଆଉ ୧, ୧୯୨ ଆକ୍ରାନ୍ତଙ୍କ ମୃତ୍ୟୁ ହୋଇଛି । ସେହିପରି ବହୁଦିନ ପରେ ଆଜି ଦେଶରେ ୨ ଲକ୍ଷ ତଳକୁ ଖସିଛି କରୋନା ଦୈନିକ ମାମଲା । ଗୋଟିଏ ଦିନରେ ଦେଶରେ ଆଉ ୧,୬୭,୦୫୯ ନୂଆ କରୋନା ସଂକ୍ରମିତ ଚିହ୍ନଟ ହୋଇଛନ୍ତି । ଗତ ୨୪ ଘଣ୍ଟାରେ ଦେଶରେ ୨,୫୪,୦୭୬ ଆକ୍ରାନ୍ତ ସୁସ୍ଥ ହୋଇଥିବା ବେଳେ, ଦେଶରେ କରୋନା ସକ୍ରିୟ ମାମଲା ୧୭,୪୩,୦୫୯ ରହିଛି । ସଂକ୍ରମର ତୁଳନାରେ ଦେଶରେ ଦୈନିକ ପଜିଟିଭିଟି ହାର ୧୧.୬୯% ରହିଛି । କରୋନାକୁ ମାତ୍‍ ଦେବାକୁ ଦେଶରେ ଜାରି ରହିଛି ଟିକାକରଣ । ଦେଶରେ ଏଯାଏ ୧,୬୬,୬୮,୪୮,୨୦୪ ଲୋକ କରୋନା ଟିକା ନେଇସାରିଲେଣି ।