ରାଜଧାନୀରେ କରୋନା ଉପରମୁହାଁ, ଆଜି ଆଉ ୧୭୬ ସଂକ୍ରମିତ ଚିହ୍ନଟ

ବିଏମସି ପକ୍ଷରୁ ମିଳିଥିବା ସୂଚନା ଅନୁସାରେ, ଆଜି ସର୍ବାଧିକ ୩୧ଜଣ ପଟିଆ ଅଂଚଳରୁ, ୨୦ଜଣ ଚନ୍ଦ୍ରଶେଖରପୁର ଓ ୧୯ଜଣ ନୟାପଲ୍ଲୀ ଅଂଚଳରୁ ଚିହ୍ନଟ ହୋଇଛନ୍ତି । ଗତକାଲି ୨୩ଜଣ ସଂକ୍ରମିତ ନୟାପଲ୍ଲୀ ଅଂଚଳରୁ, ୧୮ଜଣ ଗାଡ଼କଣରୁ ୧୪ଜଣ ଓଲଡ ଟାଉନରୁ, ୧୩ଜଣ ଲେଖାଏଁ ଚନ୍ଦ୍ରଶେଖରପୁର ଓ ପାତ୍ରପଡ଼ା ଅଂଚଳରୁ ଚିହ୍ନଟ ହୋଇଥିଲେ । ସମଗ୍ର ଖୋର୍ଦ୍ଧା ଜିଲ୍ଲାରେ ଆଜି ମୋଟ ୧୮୩ଜଣ ସଂକ୍ରମିତ ଚିହ୍ନଟ ହୋଇଥିବାବେଳେ କେବଳ ରାଜଧାନୀ ଭୁବନେଶ୍ୱରରେ ଏହି ସଂଖ୍ୟା ୧୭୬ । ଏହି ନୂଆ ସଂକ୍ରମିତଙ୍କୁ ମିଶାଇ ରାଜଧାନୀ ଭୁବନେଶ୍ୱରରେ ଆଜି ମୋଟ ୬୩୩ଜଣ ସକ୍ରିୟ ସଂକ୍ରମିତ ଅଛନ୍ତି । ସବୁଠୁ ଚିନ୍ତାର ବିଷୟ ହେଉଛି ରାଜଧାନୀ ଭୁବନେଶ୍ୱରରେ ଚିହ୍ନଟ ହେଉଥିବା ରୋଗୀମାନେ ସମସ୍ତେ ସ୍ଥାନୀୟ ସଂକ୍ରମିତ ।