ଆତ୍ମହତ୍ୟା ପୂର୍ବରୁ ଟ୍ୱିଟ କରି ଡିଲିଟ କରିଦେଇଥିଲେ ସୁଶାନ୍ତ, ସୋଶାଲ ମିଡିଆରେ ଭାଇରାଲ

ମୁମ୍ବାଇ: ବଲିଉଡର ରାଇଜିଂ ଷ୍ଟାର ସୁଶାନ୍ତ ସିଂହ ରାଜପୁତଙ୍କ ଆତ୍ମହତ୍ୟା ଘଟଣାରେ ନୂଆ ଟ୍ୱିଷ୍ଟ ଆସିଛି। ମୃତ୍ୟୁ ଦିନ ଅର୍ଥାତ ରବିବାର ଭୋର ସମୟରେ ହିଁ ସୁଶାନ୍ତ କିଛି ଭାବବିହ୍ୱଳ ଟ୍ୱିଟ କରିଥିବା ନେଇ ସୋଶାଲ ମିଡିଆରେ ଚର୍ଚ୍ଚା ହେଉଛି। ତେବେ ଭୋର ସମୟରେ ସୁଶାନ୍ତ କ୍ରମାଗତ ୩ଟି ଟ୍ୱିଟ କରି ଏହାକୁ ଡିଲିଟ କରିଦେଇଥିବା ସୋଶାଲ ମିଡିଆରେ ଦାବି କରାଯାଇଛି।

ଏହି ସମୟ ଭିତରେ କିଛି ଲୋକ ଏହାର ସ୍କ୍ରିନଶଟ ରଖିଥିବା କହିଛନ୍ତି। କିନ୍ତୁ ଏଥିରେ କେତେ ସତ୍ୟତା ଅଛି, ସେ ସମ୍ପର୍କରେ ଖବର କାହା ପାଖରେ ନାହିଁ। ସୁଶାନ୍ତ ଟ୍ୱିଟ କରି ତାଙ୍କ ସହ ବଲିଉଡରେ କ’ଣ ସବୁ ଘଟିଥିଲା ଓ ସେ କାହିଁକି ଜୀବନ ହାରିବାକୁ ନିଷ୍ପତ୍ତି ନେଇଛନ୍ତି, ସେକଥା କହିଛନ୍ତି।

ବିଭିନ୍ନ ଗଣମାଧ୍ୟମରେ ପ୍ରକାଶ ପାଇଥିବା ଖବର ଅନୁଯାୟୀ, ସୁଶାନ୍ତ ଜୁନ୍ ୧୪ ତାରିଖ ୫.୪୩ରେ ପ୍ରଥମ ଟ୍ୱିଟ କରିଥିଲେ। ଏଥିରେ ସେ ଲେଖିଥିଲେ ଯେ “ଆମେ ଆମର ସ୍ୱାସ୍ଥ୍ୟ, ଆମର ମାନସିକ ସ୍ଥିତି ଓ ଆମର ଚିନ୍ତାଧାରା ବାବଦରେ କେବେ ହେଲେ କାହାକୁ ପଚାରି ନଥାଉ। ଜୀବନ ସମ୍ପର୍କରେ ବି କେହି ବି ପଚାରି ନଥାଆନ୍ତି। ଆମକୁ କେବେ ହେଲେ ସେଭଳି ଭାବେ ବ୍ୟବହାର କରାଯାଇ ନଥାଏ। ମୁଁ ଏଭଳି ସ୍ଥିତିର ସମ୍ମୁଖୀନ ହୋଇ ଆସିଛି। ମୁଁ ବହୁତ ଚେଷ୍ଟା କରି କରି ଥକି ପଡ଼ିଲିଣି। ଆପଣଙ୍କ ସହ ମୋର ଗୋଟିଏ ଲମ୍ବା ଯାତ୍ରା ରହିଥିଲା। ମୁଁ ଜାଣିନାହିଁ ଯେ ମୁଁ କାହିଁକି ଏମିତି ଟ୍ୱିଟ କରୁଛି।”

ସେହି ୫.୪୩ରେ ସୁଶାନ୍ତ ପୁଣି ଏକ ଟ୍ୱିଟ କରିଥିଲେ। ଏଥିରେ ସେ ଲେଖିଛନ୍ତି ଯେ “ମୁଁ ମୋ ଜୀବନରେ ଆସିଥିବା କଠିନ ସମୟ ସହ ବେଶ ଲଢ଼ି ସାରିଲିଣି। ଆଉ କିଛି ସମୟ ପରେ ମୁଁ ଏହି ଟ୍ୱିଟକୁ ଡିଲିଟ କରିଦେବି। କାରଣ ଆପଣମାନଙ୍କ ମଧ୍ୟରୁ ମୁଁ କିଛି ଲୋକଙ୍କୁ ଜଣାଇବାକୁ ଚାହେଁ ଯେ ମୁଁ ଏହି କାମଚଳା ସଫଳତାକୁ ଦେଖି ବିରକ୍ତ ହୋଇଗଲିଣି।

Last three tweets by our hero ShushantSinghRajput on 14.06.20 morning which were deleted.#JusticeForSushantSinghRajput pic.twitter.com/GOw8B4hDvK

— VK (@VKV2020) June 16, 2020

ମୋତେ କୌଣସି ଖ୍ୟାତି ଦରକାର ନାହିଁ। ବହୁତ ଆରାମ ଦାୟକ ବୋଲି ସମସ୍ତେ ଭାବୁଛନ୍ତି। କିନ୍ତୁ ବାସ୍ତବରେ ଏହାକୁ ହ୍ୟାଣ୍ଡେଲ କରିବା ବେଶ କଷ୍ଟକର।”

ସୁଶାନ୍ତ ତୃତୀୟ ଟ୍ୱିଟରେ ଲେଖିଛନ୍ତି ଯେ “ମୁଁ ଗୋଟିଏ ଭଲ ଅନ୍ତ ପାଇଁ ଏସବୁକୁ ଏହି ଠାରେ ହିଁ ଶେଷ କରୁଛି। ମୁଁ ଦୂରକୁ ଚାଲି ଯାଉଛି, କେବଳ ଆପଣମାନଙ୍କ ପାଖରେ ରହିବା ପାଇଁ। ଏହାପରେ ହୁଏତ, ଲୋକମାନେ ଅନ୍ୟମାନଙ୍କ ସହ ଯୋଗାଯୋଗ କରିପାରନ୍ତି। ନିଜ ମଧ୍ୟରେ ଥିବା ବିଚାରଧାରାକୁ କାଳେ ଆଉ କେହି ନିଜ ମଧ୍ୟରେ ବନ୍ଦ କରି ନ ରଖିପାରନ୍ତି। ପୁଣିଥରେ ଦୁନିଆର ଦ୍ୱିତୀୟ ପ୍ରାନ୍ତରେ ଦେଖାହେବ। ଗୁଡବାଏ”

ସୁଶାନ୍ତଙ୍କ ଏଭଳି ଟ୍ୱିଟ ଭାଇରାଲ ହେବା ପରେ ହଇଚଇ ସୃଷ୍ଟି ହୋଇଛି। କିନ୍ତୁ ସୁଶାନ୍ତଙ୍କ ଟିମ୍‌ ଏହି ଖବରକୁ ମିଛ ବା ଫେକ ବୋଲି କହିଛି। ସୁଶାନ୍ତ କେବେ ହେଲେ ଟ୍ୱିଟ କରି ଡିଲିଟ କରି ନଥିବା ତାଙ୍କ ଟିମ୍‌ ଜାତୀୟ ଗଣମାଧ୍ୟମ ଆଗରେ ସ୍ପଷ୍ଟ କରିଛି। ତଥାପି ସୁଶାନ୍ତଙ୍କ ଫ୍ୟାନମାନେ ସୋଶାଲ ମିଡିଆରେ ଏହାକୁ ଶେୟାର କରି #JusticeForSushantSinghRajput ଦାବି କରିଛନ୍ତି।