ଓଡ଼ିଶାରେ ୨୯.୩୫% ଲୋକେ ଗରିବ, ଜାତୀୟ ହାରଠୁ କମ୍‌

ଆଜି ବିଧାନସଭାରେ ଏକ ପ୍ରଶ୍ନର ଲିଖିତ ଉତ୍ତରରେ ମନ୍ତ୍ରୀ ଶ୍ରୀ ଢ଼ୋଲକିଆ ଦର୍ଶାଇଛନ୍ତି ଯେ, ଦାରିଦ୍ର‌୍ୟ ଦୂରୀକରଣ ପାଇଁ ରାଜ୍ୟ ଚାଲିଥିବା ଓଡ଼ିଶା ଜୀବିକା ମିଶନ, କାଳିଆ ଓ ମମତା ଯୋଜନାରେ ଆର୍ଥିକ ସହାୟତା, ବିଜୁ ପକ୍କାଘର, ରିହାତି ଦରରେ ଖାଦ୍ୟଶସ୍ୟ ଯୋଗାଣ, ଦକ୍ଷତା ଓ ମିଶନ ଶକ୍ତି ମାଧ୍ୟମରେ ମହିଳାଙ୍କୁ ଆର୍ଥିକ ସଶକ୍ତିକରଣ, ବିଜୁ ସ୍ୱାସ୍ଥ୍ୟ କଲ୍ୟାଣ ଯୋଜନା ଅନ୍ତର୍ଗତ ନଗଦ ବିହୀନ ଚିକିତ୍ସା, ମନରେଗା ଓ ମୁକ୍ତା ରୋଜନାରେ ରୋଜଗାରର ସୁବ୍ୟବସ୍ଥା ଇତ୍ୟିାଦି ଉଲ୍ଲେଖନୀୟ । ଏହାର ପ୍ରଭାବରେ ରାଜ୍ୟରେ ସମ୍ପୂର୍ଣ୍ଣ ଦାରିଦ୍ର‌୍ୟର ହ୍ରାସ ଘଟୁଛି।ଯୋଜନା ଆୟୋଗଙ୍କ ଦ୍ୱାରା ତେନ୍ଦୁଲକର ଶୈଳୀରେ ହୋଇଥିବା ଆକଳନ ଅନୁସାରେ ଦାରିଦ୍ର‌୍ୟ ହାର ୨୦୦୪-୦୫ ମସିହାରେ ୫୭.୨% ଥିଲାବେଳେ ୨୦୧୧-୧୨ ମସିହାରେ ୩୨.୬ ପ୍ରତିଶତକୁ ହ୍ରାସ ପାଇଥିଲା । ୨୦୦୪-୦୫ରୁ ୨୦୧୧-୧୨ ବର୍ଷ ମଧ୍ୟରେ ରାଜ୍ୟର ଦାରିଦ୍ର‌୍ୟ ହାର ୨୪.୬ ପ୍ରତିଶତ ହ୍ରାସ ହୋଇଛି।